यादव उपराष्ट्रपति बनेपछि...

प्रतिनिधिसभा, राष्ट्रिय सभा र प्रदेशसभाका सांसदले उपराष्ट्रपतिमा मत दिएका हुन् । प्रतिनिधिसभा, राष्ट्रिय सभा र प्रदेशसभा गरी कुल मतभार ५२ हजार ६२८ रहेको छ । यादवले त्यसको बहुमत अर्थात् २६ हजार ३ सय १४ मतभारभन्दा बढी मत ल्याई निर्वाचित भएका हुन् । शिक्षण पेसाबाट सामाजिक सेवा र मधेशका नागरिकको हक हितको क्षेत्रमा काम गर्न थालेका उनी मधेश आन्दोलनको नेतृत्व गर्दै राजनीतिमा होमिएका थिए ।

०६४ मा शिक्षक पेसा छाडेर पूर्णकालीन राजनीतिमा आएका उनी पार्टीको महासचिवसम्म भए । यसबीचमा उनी तीन पटक सांसद र एक पटक मन्त्रीसमेत भए । मधेशको राजनीतिमा इमान्दार र शालीन नेताको छवि बनाएका यादव अब सक्रिय राजनीतिमा विश्राम लगाउँदै ५२ वर्षको उमेरमै उपराष्ट्रपति बनेका छन् ।