कान्तिपुर वेबसाईट
AdvertisementAdvertisement
२७.१२°C काठमाडौं
काठमाडौंमा वायुको गुणस्तर: १६६

नेपालको निर्णायक खेल हेर्न प्रधानमन्त्री दाहालसहित खचाखच दर्शक

कान्तिपुर संवाददाता

काठमाडौँ — आईसीसी पुरुष क्रिकेट विश्वकप लिग-२ अन्तर्गत नेपालको अन्तिम तथा निर्णायक खेल हेर्न कीर्तिपुरस्थित हजारौं दर्शक त्रिवि अन्तर्राष्ट्रिय क्रिकेट मैदान पुगेका छन् । यूएईविरुद्ध नेपालले टस हारेर पहिले बलिङ गरिरहेको छ । टस जितेर पहिले ब्याटिङ रोजेको यूएईले आक्रामक सुरुवात गरेको छ ।

तस्बिर : क्यान

नेपाली खेलाडीहरूलाई हौसला प्रदान गर्न प्रधानमन्त्री पुष्पकमल दाहाल, राष्ट्रिय सभा अध्यक्ष गणेशप्रसाद तिमिल्सिना, संघीय मामिला तथा सामान्य प्रशासनमन्त्री अमनलाल मोदी, भरतपुर महानगरपालिका प्रमुख रेनु दाहाल, राष्ट्रिय खेलकूद परिषद्का सदस्य सचिव टंकलाल घिसिङ, लगायतका विशिष्ट व्यक्तिहरूसमेत मैदानमा पुगेका थिए । प्रधानमन्त्री दाहाल खेल सुरु हुनुअघि नै मैदान पुगेका हुन् । केहीबेर खेल हेरेर उनी फर्किइसकेका छन् ।

तस्बिर : क्यान

नेपाल क्रिकेट संघका अनुसार बिहीबारको खेलका लागि मैदानको क्षमताबराबरको टिकट बिक्री भएको छ । बिहीबारको खेल नेपाली क्रिकेट इतिहासकै सबैभन्दा ठूलो र महत्त्वको हो । आजको खेल जितेमा नेपालले ३९ अंक रहेको नामिबियालाई उछिन्दै जिम्बाब्वेमा हुने एकदिवसीय विश्वकपको छनोट खेल्न पाउनेछ ।

तस्बिर : क्यान

पछिल्लो समय नेपाल उत्कृष्ट लयमा रहेको छ । फेब्रुअरी १४ मा नामिबियालाई कीर्तिपुर मैदानमै हराएयता नेपालले खेलेका ११ खेलमध्ये १० मा जित हात पारेको छ ।

तस्बिर : क्यान

तस्बिर : हेमन्त श्रेष्ठ/कान्तिपुर

तस्बिर : हेमन्त श्रेष्ठ/कान्तिपुर

तस्बिर : हेमन्त श्रेष्ठ/कान्तिपुर


प्रकाशित : चैत्र २, २०७९ ११:११
प्रतिक्रिया
पठाउनुहोस्