कान्तिपुर वेबसाईट
AdvertisementAdvertisement

रिहा हुनुअघिका सन्दीप*

कान्तिपुर संवाददाता

काठमाडौँ — इकान्तिपुरमा हिजो प्रकाशित बलात्कार आरोपित क्रिकेटर सन्दीप लामिछानेसँग सम्बन्धित 'रिहा हुनुअघिका सन्दीप' शीर्षकको सामग्री हटाइएको छ । उक्त सामग्रीबारे कान्तिपुरका पाठक, शुभेच्छुकलगायतले सामाजिक स‌ञ्जाललगायतबाट व्यक्त गर्नुभएको प्रतिक्रियाको सम्मान गर्दै सामग्री हटाइएको हो । बलात्कारलगायतका संवदेनशील घटनाहरूमा पीडितहरूलाई पर्नसक्ने असरबारे हामी सचेत छौं र रहिरहने प्रतिबद्धता व्यक्त गर्दछौं । यस सामग्रीबाट पर्न गएको असुविधाप्रति क्षमायाचना गर्दछौं ।- सम्पादक


प्रकाशित : पुस २९, २०७९ १४:२३
प्रतिक्रिया
पठाउनुहोस्

मधेस प्रदेशमा मुख्यमन्त्री र ३ मन्त्रीले लिए शपथ

श्यामसुन्दर शशि

जनकपुर — मधेस प्रदेशमा मुख्यमन्त्री सरोजकुमार यादव र ३ जना मन्त्रीले शपथ लिएका छन् । शुक्रबार एक समारोहबीच प्रदेश प्रमुख हरिशंकर मिश्रले मुख्यमन्त्री यादव र एमालेका सरोजकुमार यादव, जनमत पार्टीका वसन्त कुशवाहा र जनता समाजवादी पार्टीका सञ्जयकुमार यादवलाई पद तथा गोपनीयताको शपथग्रहण गराएका हुन् । मन्त्रीहरूलाई कुनै जिम्मेवारी तोकिएको छैन । 

दुई दिनदेखि सत्तागठबन्धनको बैठक जारी रहे पनि मन्त्रालयको भागबन्डाको अन्तिम टुंगो भने लाग्न सकेको छैन । सहमति नभएकै कारण माओवादी सरकारमा सहभागी भइसकेको छैन ।

शपथग्रहण कार्यक्रममा जनता समाजवादी पार्टीका अध्यक्ष उपेन्द्र यादव,जसपा संसदीय दलका नेता रामसहाय यादव,प्रतिनिधिसभा सदस्य दीपक कार्कीसँगै मधेस प्रदेशका पूर्व मुख्यमन्त्री लालबाबु राउतलगायतको उपस्थिति थियो ।

१ सय ७ सदस्यीय मधेस प्रदेशमा नेकपा एमाले २३ प्रदेश सांसदसहित पहिलो दल भए पनि मुख्यमन्त्री भने १६ प्रदेश सांसद रहेको जनता समाजवादी पार्टीलाई छाडेको छ । मधेसमा जसपा र जनमतले आलोपालो मुख्यमन्त्री लिने सहमति भएको छ । जसपा संसदीय दलका नेता सरोजकुमार यादवलाई एमालेको २३, जसपाको १६, जनमत पार्टीको १३,माओवादी केन्द्रको ९ तथा राष्ट्रिय प्रजातन्त्र पार्टी र नेपाल संघीय समाजवादी पार्टीका १–१ गरी कुल ६३ प्रदेशसभा सदस्यको समर्थन प्राप्त छ ।

प्रकाशित : पुस २९, २०७९ १४:१२
पूरा पढ्नुहोस्
प्रतिक्रिया
पठाउनुहोस्
×