कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १३४

शपथअघि सांसदको भावभंगी

तस्बिर : अंगद ढकाल

काठमाडौँ — प्रतिनिधिसभाका नवनिर्वाचित सांसदले बिहीबार शपथ लिँदै छन्, जहाँ अधिकांशले राष्ट्रिय कामकाजको भाषा नेपालीमा शपथ लिँदा २६ जनाले भने मातृभाषा रोजेका छन् । ज्येष्ठ सदस्य पशुपतिशमशेर जबराले दिउँसो १ बजे संसद् भवनमा उनीहरुलाई शपथ खुवाउने छन् ।

शपथअघि बानेश्वरस्थित संसद् भवनमा सबै सांसदहरू विभिन्न भेषभुषामा आएका छन् । केही सांसदहरूले मौलिक पोसाक रोजेका छन् भने केहीले मिश्रित । यसपटक संसद्‍मा नयाँ दल मात्र होइन, पहिलो पटक नै सांसद बन्नेको बाहुल्यता पनि देखिन्छ । संसद्‍मा यस पटक नागरिक उन्मुक्ति पार्टी, जनमत पार्टी र राष्ट्रिय स्वतन्त्र पार्टी नयाँ दलका रूपमा प्रवेश गरेका छन् । संसद्‍मा नागरिक उन्मुक्ति पार्टीकी अध्यक्षसमेत रहेकी कैलालीकी सांसद रञ्जिता श्रेष्ठ चौधरी थारु पोसाकमा आएकी छिन् । त्यस्तै सांसदहरू तामाङ, गुरुङ, मगरलगायत विभिन्न संस्कृति झल्कने पोसाकमा समेत संसद्‍मा आएका छन् ।


प्रकाशित : पुस ७, २०७९ १२:४९
प्रतिक्रिया
पठाउनुहोस्