कान्तिपुर वेबसाईट
AdvertisementAdvertisement

यस्तो छ निर्माणाधीन सहिदमार्ग [फोटोफिचर]

महेश केसी

रुकुमपूर्व — लुम्बिनी प्रदेशको एकमात्र हिमाली जिल्ला रुकुम पूर्वबाट दाङ जाने बाटो हो, सहिदमार्ग । सहिदमार्ग सडक योजनाअन्तर्गत आ.व. २०६४/०६५ देखि यो सडक निर्माणाधीन अवस्थामा छ । रुकुम पूर्वको मैकोट, हुकाम, तकसेरा, रिकाधुरी, कांक्री, दुमै र महत हुँदै रोल्पाको थबाङ, दुईखोली, घर्तीगाउँ, दारबोट, तिला, नुवागाउँ हुँदै होलेरीबाट दाङ घोराहीसम्मको कुल २ सय २० किलोमिटर लामो छ । योजना प्रमुख पवन भट्टराईका अनुसार यो मार्गमा करिब २ अर्ब ५० करोड लगानी भैसकेको छ भने लगभग २६ प्रतिशत भौतिक प्रगति भएको छ ।

हाल घोराहीदेखि रुकुम पूर्वको हुकामसम्म सडकको ट्रयाक खोल्ने काम सम्पन्न भएको प्रमुख भट्टराईले बताए । उनका अनुसार होलेरीदेखि दारबोटसम्म ३६ किलोमिटरमा चालु आर्थिक वर्षभित्र कालोपत्रे सक्नेगरी काम भइरहेको छ । साथै दारबोटदेखि घर्तीगाउँसम्म २५ किलोमिटर र दुईखोलीदेखि खरिबोटसम्मको ११ किलोमिटर सडक खण्डलाई कालोपत्रेका लागि ठेक्का आह्वान गर्ने अन्तिम तयारी छ ।


प्रकाशित : मंसिर २२, २०७९ १९:१०
प्रतिक्रिया
पठाउनुहोस्

बीवाईडीका विद्युतीय गाडी किन्न नबिल बैंकले १२.९९% ब्याजमा कर्जा दिने 

कान्तिपुर संवाददाता

काठमाडौँ — विद्युतीय गाडी किन्न चाहनेलाई नबिल बैंकले १२.९९ प्रतिशत ब्याजमा कर्जा दिने भएको छ । बीवाईडी अटो इन्डस्ट्रिजको आधिकारिक वितरक साइमेक्स इंक र नबिल बैंकबीच गाडी किन्नेलाई सहज रुपमा बैंकिङ सुविधा दिने सहमति भएको छ ।   

सम्झौताअनुसार अब बीवाईडीको कुनै पनि गाडी किन्न चाहनेले नबिल बैंकबाट सहज प्रक्रियामा कर्जा सुविधा पाउने छन् । विद्युतीय गाडीमा मूल्यको ८० प्रतिशतसम्म कर्जा दिन सकिने व्यवस्थाअनुरुप नबिल बैंकले कर्जा उपलब्ध गराउने छ । १२.९९ प्रतिशत ब्याजदरमा बैंकबाट ७ वर्षसम्मको लागि फाइनान्स सुविधा ग्राहकले पाउने बीवाईडीले जनाएको छ । बैंकसँगको सम्झौता अनुसार बीवाईडीको कुनै पनि मोडल किन्ने ग्राहकले मूल्यको २० प्रतिशत मात्र डाउन पेमेन्ट गर्दा पुग्नेछ ।

साइमेक्स इंकले बीवाईडीको एसयूभी एटो ३ र अल न्यू इ–६ ईभी नेपालमा बिक्री गर्दै आएको छ । अल न्यू ई ६ नेपालमा उपलब्ध विद्युतीय गाडीमध्ये सबैभन्दा धेरै रेन्ज दिने कम्पनीको दाबी छ । साइमेक्स इंकले अघिल्लो महिनाबाट नेपालमा बिक्री सुरु गरेको नयाँ मोडल एटो– ३ को मूल्य ८९ लाख ९० हजार र अल न्यू इ–६ को मूल्य ५९ लाख छ ।


प्रकाशित : मंसिर २२, २०७९ १९:०५
पूरा पढ्नुहोस्
प्रतिक्रिया
पठाउनुहोस्
×