काठमाडौँ — आजदेखि नेपाल संवत् ११४३ सुरु भएको छ । नयाँ वर्षका उपलक्ष्यमा काठमाडौंको वसन्तपुरमा भिन्तुना र्याली आयोजना गरिएको छ । र्यालीमा सहभागीहरुले वसन्तपुर दरबार क्षेत्र परिक्रमा गरेका थिए ।
र्यालीमा नेवारी वेशभूषामा सजिएका पुरुष तथा महिलाको उल्लेख्य सहभागिता थियो । र्यालीमा नेवारी संस्कृतिमा आधारित विभिन्न नृत्य, बाजा तथा झाँकीको प्रदर्शन गरिएको थियो । नेपालको मौलिक संवत्का रुपमा रहेको नेपाल संवत् राष्ट्रिय विभूति शंखधर साख्वा:ले चलाएका हुन् ।
काठमाडौँ — शुभ दीपावलीको तेस्रो दिन आज कुकुर तिहार मनाइएको छ । आज घरघरमा धर्मराज वाहन कुकुरलाई पूजा गरी कुकुर तिहार मनाइएको हो । कुकुरलाई आज्ञापालक र सुरक्षामा भरपर्दो घरपालुवा जनावरका रुपमा लिइन्छ ।
ललितपुरको भैंसेपाटीस्थित डग सेल्टर 'स्नेहाज केयर' मा रहेका कुकुरलाई पनि पूजा गरिएको छ । सेल्टरमा आयोजित कुकुर पूजा कार्यक्रममा ललितपुरका मेयर चिरीबाबु महर्जनसमेत उपस्थित थिए । सेल्टरमा १७० वटा कुकुर रहेका छन् । तीमध्ये कतिपय कुकुर अपांगता भएका पनि छन् । प्यारालाइसिस र घाइते कुकुरहरूलाई ह्विलचेयरमा राखेर पालिएको छ । जसले गर्दा उनीहरूलाई हिँडडुल गर्न सहजसमेत भएङ्को छ ।
