फुटपाथका मोटरसाइकल उठाउँदै महानगर

संजोग मानन्धर

काठमाडौँ — काठमाडौं महानगरपालिका अन्तर्गत महानगर प्रहरी पछिल्लो समय अनधिकृत संरचना भत्काउने काममा सक्रिय देखिएको छ । विशेषगरी बालेन्द्र शाह महानगरको प्रमुखमा निर्वाचित भएपछि महानगर प्रहरीलाई नियम उल्लंघन भएका ठाउँमा सक्रिय रुपमा खटाइएको छ ।मंगलबार नियम विपरीत फुटपाथमा पार्किङ गर्ने मोटरसाइकल चालकहरू महानगर प्रहरीको निशानामा परेका छन् ।

दसैं लगायत चाडवाडमा बाक्लो भीड हुने गरेको असन क्षेत्रमा पैदलमार्ग नै छेकेर मोटरसाइकल पार्किङ गरिदिँदा पैदलयात्रुलाई हिँडडुल गर्न कठिनाइ हुने गरेको छ ।यस क्रममा त्यस्ता मोटरसाइकल चालकहरूलाई कारबाही गर्न मंगलबार दिउँसो फुटपाथ नै छेकेर पार्किङ गरिएका मोटरसाइकलहरूलाई महानगर प्रहरीको टोलीले गाडीमा राख्दै गरेको थियो । पछिल्लो समय सहरमा अनधिकृत रुपमा निर्माण गरिएका संरचना भत्काउने काममा पनि महानगर प्रहरी अग्रमोर्चामा खटिने गरेको छ ।


प्रकाशित : आश्विन ११, २०७९ १७:५१
प्रतिक्रिया
पठाउनुहोस्

'महँगो प्लेट चाहिँदैन, जनताको ढाड सेक्न पाइँदैन'

संजोग मानन्धर

काठमाडौँ — सरकारले सवारी साधनमा इम्बोस्ड नम्बर प्लेट जडानका लागि अस्वभाविक र अव्यवहारिक रुपमा मूल्य तोकेको भन्दै नेकपा एमाले निकट राष्ट्रिय युवा संघले विरोध प्रदर्शन गरेको छ ।

मंगलबार नयाँ वानेश्वरमा युवा संघका नेता तथा कार्यकर्ताहरूले विरोध प्रदर्शन गरेका हुन् । इम्बोस्ड नम्बर प्लेटका लागि अस्वभाविक रुपमा मूल्य निर्धारण गरिएको साथै सरकारले अव्यवहारिक रबैया देखाएको भन्दै युवा संघले विरोध जनाएको हो ।

'महंगो प्लेट चाहिँदैन जनताको ढाड सेक्न पाइँदैन', 'अर्थतन्त्र छ चौपट परमादेशी सरकार कमिसनमै लटपट', 'कालो सूचिवाल ठेकेदार नेपाली लिपि मास्ने मतियार' जस्ता नारा लेखिएका ब्यानर युवा संघका नेताहरूले प्रदर्शन गरेका थिए। प्रदर्शनको क्रममा प्रदर्शनकारी र प्रहरीबीच केही बेर झडप समेत भएको थियो ।


प्रकाशित : जेष्ठ २४, २०७९ १७:४६
पूरा पढ्नुहोस्
प्रतिक्रिया
पठाउनुहोस्
×