कबाडी गोदाम आगलागीमा ३ जना घाइते

घाइते हुनेमा ३० वर्षीय गणेश गुरुङ‚ ४० वर्षीय रामआशिष साह र ६४ वर्षीय शिवनारायण पदार रहेको प्रहरीले जनाएको छ । घाइते तीनै जनालाई स्टार हस्पिटलको आईसीयूमा राखेर उपचार गरिँदै छ ।

प्रभागका असई प्रकाश रायमाझीका अनुसार कमला खत्रीको जग्गामा भारतीय नागरिक बच्चु साहले सञ्चालन गर्दै आएको कबाडी गोदाममा आगलागी भएको हो । आगलागीबाट गोदाममा भएका अधिकांश सामान जलेर नष्ट भएका छन् । अहिले आगलागी पूर्ण रूपमा नियन्त्रणमा आएको पनि प्रहरीले जनाएको छ ।