कुशे औंसीमा गोकर्णेश्वरमा मेला
काठमाडौँ — गोकर्णेश्वरस्थित महादेव मन्दिर परिसरमा कुशे औंसीको अवसरमा पितृ तर्पण गर्न भक्तजनहरुको भीड लागेको छ । प्रत्येक वर्ष भाद्रकृष्ण औंसीका दिन गोकर्णेश्वर महादेव मन्दिर परिसरमा दिवंगत पितृका नाममा जलदान, सिदादान र पिण्डदान गर्न लाखौं भक्तजन आउने गर्छन् ।
भाद्रकृष्ण औंसीका दिन यहाँ आएर जलदान, सिदादान र पिण्डदान गरेमा २१ कुलसम्मका पितृ तर्छन् भन्ने धार्मिक विश्वास छ । कुशे औंसीलाई बुबाको मुख हेर्ने दिनका रुपमा समेत मनाइँदै आइएको हुँदा यहाँ झिसमिसेदेखि नै दर्शनार्थीहरुको भीड लागेको छ । बुबा नहुनेहरु आजको दिन गोकर्णेश्वर महादेवको मन्दिरमा जम्मा भएर पिण्ड दिने चलन रहेको छ ।
