२७.१२°C काठमाडौं
काठमाडौंमा वायुको गुणस्तर: १९६

इलाममा रोपाइँ जात्रा [तस्बिरहरु]

विप्लव भट्टराई

इलाम — कोभिड १९ का कारण दुई वर्ष रोकिएको परम्परागत रोपाइँ जात्रा बिहीबार इलाममा भव्यरुपमा मनाइएको छ । युवापुस्तामाँझ संस्कृति हस्तान्तरण गर्दै परम्परा थेग्ने उद्देश्यले रोपाइँ जात्रा निकालिएको हो । अघिअघि गोरु, हली र बाउसे अनि पछिपछि रोपारले धान रोपेझैं रोपाइँको झल्को दिने अभिनयले स्थानीयमात्र हैन टाढाबाट आएकालाई पनि मोहित बनाउने गरेको छ ।

इलाममा नेवार जातिको बसोबास सुरु भएदेखि नै थालिएको यो जात्रालाई पछिल्लो समयमा जिल्लाका सबै समुदायले पर्वको रुपमा मनाउने गरेका छन् । संस्कृति जगेर्ना गर्दै पर्यटक आकर्षणका लागि नेपाल भाषा तथा संस्कृति समाजको आयोजनामा जात्रा निकालिएको हो । जात्रामा रोपार, हली, बाउसेलगायत डेढ सय धेरै कलाकारले दिनभर अभिनय गरेका थिए । लोप भइसकेको बेठी लगाएर रोपाइँ गर्ने चलनको झल्को जात्रामा पाइन्छ । जात्राको अवसरमा परम्परागतरुपमा चलिआएको लिम्बु जातिको धान नाच पनि लामो समयपछि देखाइयो । बुधबार इलामको मंगलबारेमा पनि रोपाइँ जात्रा निकालिएको थियो ।

प्रकाशित : भाद्र २, २०७९ १९:२४
प्रतिक्रिया
पठाउनुहोस्