दुई हिमालको फेदमा दूधकुण्ड

सत्य युगमा शिवजी तपस्या गरेको र समुन्द्र मन्थन समेत भएको स्थानको रुपमा रहेको दूधकुण्डको दर्शन गर्न बर्सेनि हजारौंको संख्यामा तीर्थालुहरु यहाँ पुग्ने गरेका छन् । जिल्ला सदरमुकाम सल्लेरीबाट २ दिनको पैदलमा पुग्न सकिने यस ठाउँको प्राकृतिक मनोरम विशिष्ट प्रकृतिको छ । यहाँ हिमालबाट बग्ने पानीबाट बनेको मनोरम ताल, त्यही तालबाट बग्ने सोलुखोलाको सुस्केरा अनि ठाउँ ठाउँमा जमेका हिमाली तालहरुले जोकोहीको पनि मन लोभ्याउने गरेको छ । अन्य सिजनमाभन्दा जनै पूर्णिमाको अवसरमा बर्सेनि हजारौं पर्यटक पुग्ने गर्दछन् ।