कान्तिपुर वेबसाईट
AdvertisementAdvertisement

साताका ७ तस्बिर

कान्तिपुर संवाददाता

काठमाडौँ — पश्चिम नवलपरासीको सुस्ता–५ रतनगन्जकी तैरुन निशा । छोरीको बिहेका लागि ०७२ फागुनमा श्रीमान् मुख्तार मियाँले सुदखोर सुनीलकुमारसँग दुई लाख ऋण लिएका थिए । साहुले ४ लाखको कागज बनाए । त्यसको ४ गुणा रकम तिर्दा पनि छुटकारा पाएका छैनन् । उल्टै २० लाख रुपैयाँ मागिएको छ । तस्बिर : मनोज पौडेल/कान्तिपुर

कर्णाली प्रदेशको राजधानी सुर्खेत वीरेन्द्रनगरमा स्थानीय आदिवासी जनजातिहरु मंगलबार २८ औं विश्व आदिवासी दिवस मनाउँदै । औपचारिक कार्यक्रमअघि मध्याह्न महासंघ सम्बद्ध थारु, मगर, नेवार, गुरुङ,लगायत जातीय संघ संस्थाले मंगलगढीचोकबाट सांस्कृतिक र्‍याली निकालेका थिए । हरेक वर्ष अंग्रेजी पात्रोअनुसार अगस्ट ९ तारिखमा विश्व आदिवासी दिवस मनाउने गरिन्छ । तस्बिर : हरिहरसिंह राठौर

पाल्पाको माथागढी गाउँपालिका–२, रुप्सेकी महिला प्रधानमन्त्री कृषि आधुनिकीकरण परियोजनबाट प्राप्त अनुदानको मल लैजाँदै । माडी कृषि बहुउद्देश्यीय सहकारी संस्थाले रुप्सेका विभिन्न स्थानमा अकबरे खुर्सानी पकेट कार्यक्रम सञ्चालन गरेको छ । तस्बिर : माधव अर्याल

काठमाडौंको बालाजु बाइपासको चप्पल कारखानामा लागेको आगो निभाउने प्रयास गरिँदै । तस्बिर : सुजन गोपाली

मंगलबार राति परेको पानीको कारण मनोहरा खोलामा आएको बाढीको कारणले काटन गरेको दिव्यश्वरी प्लानिङ क्षेत्रको सडक । तस्बिर : अंगद ढकाल

धरानका मेयर हर्क साम्पाङविरुद्ध नगरपालिका परिसरमा नारा जुलुस लगाउदै बराह सहकारी पीडितहरु । तस्बिर : प्रदीप मेन्याङ्बो

गाईजात्राको अवसरमा लैंगिक अल्पसंख्यक समुदायले काठमाडौंको बसन्तपुरमा निकालेको गौरव यात्राका सहभागी । तस्बिर : प्रकाशचन्द्र तिमिल्सेना


प्रकाशित : श्रावण २८, २०७९ ११:१४
प्रतिक्रिया
पठाउनुहोस्

सिरहामा जंगली हात्तीले ७ घर भत्काए 

भरत जर्घा मगर

सिरहा — जंगली हात्तीको समूहले गएराति सिरहाको लहान नगरपालिका–१५ स्थित उत्तरवर्ती चुरे क्षेत्रका मोहनपुर र लग्रहाका ७ घर भत्काएका छन् । 

दुई वटा समूहमा आएका हात्तीले शुक्रबार राति बस्ती पसेर मोहनपुरका कपले यादव, लग्रहाका राम सदाय, लक्ष्मी, शिव कुमारी, दिपेन र सरोज सदायका ७ वटा फुसको घर भत्काएको हो । जंगली हात्तीले घर भत्काउनुका साथै अन्नबालीसमेत नष्ट गरेको लहान नगरपालिका–१५ का वडाध्यक्ष तेज नारायण चौधरीले जानकारी दिए ।

हात्तीले घर भत्काएको बस्तीमा पुगेर लहान नगरपालिकाका मेयर महेशप्रसाद चौधरीले पीडितहरुलाई तत्काल जस्तापाता, त्रिपाल र खाद्यान्नसहित राहत उपलब्ध गराउने बताए । गत वर्ष पुसमा जंगली हात्तीको समूह मोहनपुर गाउँ पसेर स्थानीयको घर भत्काएको थियो ।

लहान नगरपालिकाका बानो, अमही, मोहनपुर, तरेगनासहित धनगढीमाई, गोलबजार र मिर्चैया नगरपालिकाका तीन दर्जनभन्दा बढी बस्ती बर्सेनि हात्तीको आक्रमणको चपेटामा पर्दै आएका छन् । हात्ती आक्रमणबाट ती क्षेत्रका बासिन्दाको बर्सेनि ज्यान जाने गरेको छ । कोसी टप्पु आरक्ष र उदयपुरको चुरे क्षेत्र हुँदै यस क्षेत्रमा जंगली हात्ती प्रवेश गरेको हुनसक्ने स्थानीयले बताए ।

वन्यजन्तु विज्ञहरु झापादेखि चितवनसम्मको चुरे क्षेत्र हात्ती हिँड्ने करिडोर भएकाले हिउँदयामको मौसममा जंगली हात्तीको खतरा बढी हुन्छ । तर हिउँदयाममा बर्सेनि हात्तीको चपेटा सहदै आए पनि यसवर्ष वर्षायाममा समेत जंगली हात्तीले दु:ख दिन थालेपछि स्थानीय त्रसित छन् ।

प्रकाशित : श्रावण २८, २०७९ ११:११
पूरा पढ्नुहोस्
प्रतिक्रिया
पठाउनुहोस्
×