कान्तिपुर वेबसाईट
AdvertisementAdvertisement

पञ्चदानको रौनक

तस्बिर : इलिट जोशी

काठमाडौँ — ललितपुरको नागबहालमा बौद्ध धर्मावलम्वीहरु पञ्चदान पर्वमा सरिक भएका छन् । बौद्ध धर्मावलम्वीहरुले शुक्रबार बज्राचार्य, चैलक (चीबहालमा चुडाकर्म गरेकाहरु) तथा शाक्यहरुलाई चामल, धान, गहुँ, सानो केराउ, नुन रोटी आदि दान गरी पञ्चदान पर्व मनाएका छन् ।

बौद्ध धर्मावलम्बीहरुले बहा, :बहीः वा आफ्नै घर आगनमा दीपंकर बुद्ध, बसुन्धरा, करुणामयका मूर्तिहरु, पौवा आदि सजाएर राखी दिनभर पञ्चदान गर्ने चलन छ । पञ्चदानको अन्त्यमा विशेष प्रकारको जामा पहिरी फुःबरे आई दिनभरि दान गरी बाँकी रहेका सबै सामाग्रीहरु ग्रहण गरेपछि पञ्चदान समापन हुन्छ । पञ्चदानमा नालाका सृष्टिकान्त लोकेश्वर, ललितपुरका पद्मपाणी लोकेश्वर, चोभारका आनन्दी लाकेश्वर र काठमाडौंका अमोघपाश लोकेश्वरका प्रतिनिधि पनि पञ्चदान ग्रहण गर्न आउने परम्परा छ ।


प्रकाशित : श्रावण २०, २०७९ १४:१३
प्रतिक्रिया
पठाउनुहोस्

नेकपा नेता केसीको हत्या आरोपमा एक जना पक्राउ 

विप्लव महर्जन

सल्यान — नेत्रविक्रम चन्द नेतृत्वको नेकपाका नेता लोकमान खत्री केसीको हत्या आरोपमा प्रहरीले एक जनालाई पक्राउ गरेको छ ।

लोकमानका छोरा लोकेशकुमार खत्रीको जाहेरीका आधारमा प्रहरीले छत्रेश्वरी गाउँपालिका–१ का ४० वर्षीय टोपबहादुर खत्रीलाई पक्राउ गरेको हो । बिहीबार बिहान बागचौर नगरपालिका–१० मोख्लाको शिवगुफा सामुदायिक वननजिकै लोकमान झोला भिरेकै अवस्थामा मृत भेटिएका थिए ।

टोपबहादुरलाई उनको घरबाटै पक्राउ गरेको जिल्ला प्रहरी कार्यालय सल्यानका डीएसपी सुमित खडकाले बताए । उनका अनुसार टोपबहादुर थारमारे बजारमा लोकमानसँगै बसी मदिरा सेवन गरी मोख्लाबजार जाने भनी उनीसँगै हिँडेका थिए ।

जिल्ला अदालतबाट ५ दिनको म्याद लिई टोपबहादुरविरुद्ध अनुसन्धान भइरहेको प्रहरीले जनाएको छ । मृत भेटिएका लोकमान नेकपा विशेष कमिटी सदस्य थिए । पोस्टमार्टमपश्चात नेता केसीको शुक्रबार बिहान दाहसंस्कार गरिएको छ ।

प्रकाशित : श्रावण २०, २०७९ १४:११
पूरा पढ्नुहोस्
प्रतिक्रिया
पठाउनुहोस्
×