भोटो देखाउँदै रातो मच्छिन्द्रनाथको जात्रा समापन [फोटोफिचर]

यससँगै रातो मच्छिन्द्रनाथको जात्रा समापन भएको छ । ललितपुरको पुल्चोकबाट रथारोहण गरी मच्छिन्द्रनाथको रथयात्रा गाःबाहल, मंगलबजार, सुन्धारा, लगनखेल, इटिटोल हुँदै जावालाखेलमा रथ ल्याइएको हो । भोटो देखाइएसँगै मच्छिन्द्रनाथलाई सानो खटमा राखी बुङमतीमा लगेर जात्रा समापन गरिन्छ । मच्छिन्द्रनाथलाई लोकनाथ, रातो मच्छिन्द्रनाथ वा मत्स्येन्द्रनाथ, बुङ्गमलोकेश्वर, बुँगद्यः, आर्यावलोकितेश्वर, वृष्टिदेव आदि विभिन्न नामले पुकार्दै उपत्यकावासीले श्रद्धाका साथ पूजापाठ र जात्रा मनाउने चलन रही आएको छ । शनिबार जात्रा अवलोकन गर्न राष्ट्रपति भण्डारीसहित उपराष्ट्रपति नन्दबहादुर पुन र अन्य मन्त्रीहरू समेतको उपस्थिति थियो ।