रातो मच्छिन्द्रनाथको रथ कुमारीपाटीमा [फोटोफिचर]

संजोग मानन्धर

ललितपुर — नेपालमा मनाइने जात्रामध्ये लामो अवधि मनाइने रातो मच्छिन्द्रनाथको रथ तानेर कुमारीपाटी ल्याइएको छ । वैशाख शुक्ल पक्ष प्रतिपदाको साइतमा सुरु गरिएको उक्त रथ बुधबार कुमारीपाटी ल्याइएको हो । रथ तानेर लगनखेलमा पुगेपछि नरिवल खसालेर जावलाखेल पुगेपछि राष्ट्रप्रमुखको उपस्थितिमा भोटो देखाउँदै जात्रा समापन गरिन्छ ।

मच्छिन्द्रनाथलाई लोकनाथ, रातो मच्छिन्द्रनाथ वा मत्स्येन्द्रनाथ, बुङ्गमलोकेश्वर, बुँगद्यः, आर्यावलोकितेश्वर, वृष्टिदेव आदि विभिन्न नामले पनि चिनिन्छ । यस जात्रामा उपत्यकावासीले श्रद्धापूर्वक पूजापाठ गरी भोज पनि खाने गर्छन् । मच्छिन्द्रनाथको रथयात्रा ८०० सालमा नरेन्द्रदेवको छोरा राजाले सुरु गरेको विश्वास रहिआएको छ । उक्त रथलाई हरेक वर्ष जात्रा अवधिभर ललितपुरको टोल घुमाउने प्रचलन छ । यो जात्रा वैशाख महिनाको शुक्लपक्षअन्तर्गत प्रतिपदादेखि असार शुक्ल चौथीसम्म करिब दुई महिना मनाउने गरिन्छ ।


प्रकाशित : जेष्ठ १८, २०७९ २०:११
प्रतिक्रिया
पठाउनुहोस्

म्यादी बन्न राजधानीमा पनि उस्तै भीड [फोटोफिचर]

संजोग मानन्धर

काठमाडौँ — आगामी वैशाख ३० गते हुने स्थानीय तह निर्वाचनका लागि एक लाख म्यादी प्रहरी आवश्यक पर्ने भन्दै सरकारले भर्ना आवेदन खुला गरेको छ । यसका लागि देशभर विभिन्न जिल्लामा ठूलो संख्यामा युवाहरू म्यादीमा भर्ना हुन लामबद्ध भएका छन् ।

आइतबार म्यादीका लागि भर्ना आवेदन खुला गरिएसँगै राजधानी काठमाडौंमा पनि म्यादी बन्न चाहने युवाहरूको ठूलै भीड लागेको छ । महानगरीय प्रहरी परिसर टेकुमा म्यादीका लागि आवेदन दिनेको भीड थामिसक्नु थिएन । लाइनमा कतिपय महिलाहरू भने बच्चा च्यापेरै उभिएका थिए । पछिल्ला वर्षहरूमा म्यादी प्रहरीमा महिलाहरूको पनि उत्साहजनक सहभागिता देखिन थालेको छ ।

यसपटक काठमाडौंमा भने उल्लेख्य मात्रामा विद्यार्थीहरू पनि म्यादी बन्ने लाइनमा थिए । आइतबारको भीड हेर्दा तुलनात्मक रुपमा अन्य जिल्लामा भन्दा काठमाडौंमै ठूलो भीड देखिन्थ्यो । निर्वाचनको सुरक्षार्थ जम्मा ४० दिनका लागि माग गरिएको म्यादी प्रहरीको भर्ना आवेदन फारम चैत ११ गतेसम्म खुला गरिने बताइएको छ ।


प्रकाशित : चैत्र ६, २०७८ १६:४१
पूरा पढ्नुहोस्
प्रतिक्रिया
पठाउनुहोस्
×