कान्तिपुर वेबसाईट
AdvertisementAdvertisement

रुकुम घटनाका दोषीलाई कारबाहीको माग गर्दै प्रदर्शन [फोटोफिचर]

अनिश रेग्मी

काठमाडौँ — रुकुम पश्चिमको भेरी नगरपालिका–४ का नवराज विश्वकर्मासहित उनका साथीहरू लोकेन्द्र सुनार, सन्दीप विश्वकर्मा, गणेश बुढा, टीकाराम सुनार र गोविन्द शाहीको हत्या भएको दुई वर्ष पूरा भइसकेको छ ।

उक्त घटनालाई लिएर संसदमा पनि प्रश्न उठ्यो । दोषीमाथि कडा कारबाही गर्न लागि विभिन्न संघसंस्था र नागरिक अगुवाहरूले निरन्तर दबाब दिँदै आएका छन् । २०७७ को जेठ ३१ गतेदेखि एक सातासम्म लगाएर सांसदहरूको टोलीले स्थलगत अध्ययनपछि तयार पारेको प्रतिवेदनमा उक्त घटना संगठित र योजनाबद्ध रुपमा भएको निष्कर्ष निकालिएको छ ।

तैपनि घटना भएको दुई वर्ष बित्दासमेत पीडित परिवारले न्याय पाउन सकेका छैनन् । सोही घटनाका पीडित परिवारसहित अभियानकर्मी तथा नागरिक अगुवाहरूले मंगलबार माइतीघरमा दोषीलाई कारबाही गरी पीडितलाई न्याय दिनुपर्ने माग गर्दै प्रदर्शन गरेका छन् ।


प्रकाशित : जेष्ठ १०, २०७९ १४:२१
प्रतिक्रिया
पठाउनुहोस्

ललितपुर मेयरमा कांग्रेसका चिरीबाबु र उपमेयरमा एमालेका शाक्यको अग्रता कायमै

कान्तिपुर संवाददाता

ललितपुर — पाँच दलीय गठबन्धनबाट ललितपुर मेयरमा कांग्रेसका उम्मेदवार चिरीबाबु महर्जन र उपमेयरमा एमालेका उम्मेदवार मञ्जली शाक्य बज्रचार्यले अग्रता कायम नै राखेका छन् ।


८६ हजार ५ सय ४० मत खसेकोमा ८२ हजार ४० मत गणना हुँदा महर्जनले ४० हजार २ सय ६३ मत प्राप्त गरेका छन् भने उनका निकतम प्रतिद्वन्द्वी एमालेका हरिकृष्ण व्यञ्जनकारले २३ हजार ८ सय १० मात्र मत प्राप्त गरे ।

उपमेयरमा एमालेका मञ्जली शाक्य बज्रचार्यले २४ हजार १ सय ३९ मत प्राप्त गर्दा उनका प्रतिद्वन्द्वी माओवादी केन्द्रका बाबुराजा बज्राचार्यले १८ हजार ११ मात्र मत प्राप्त गरेका छन् ।

२०७४ को स्थानीय तहको निर्वाचनमा पनि कांग्रेसबाट उम्मेदवार महर्जनले ३ सय २६ मतान्तरले व्यञ्जनकारलाई पराजित गरेका थिए । त्यतिबेला महर्जनले २४ हजार ६ सय ४२ मत प्राप्त गर्दा व्यञ्जनकारले २४ हजार ३ सय १६ मात्र मत प्राप्त गरेका थिए । २९ वटा वडा भएको महानगरमा २८ र २९ वडाको मात्र मतपरिणाम सार्वजनिक हुन बाँकी छ ।

प्रकाशित : जेष्ठ १०, २०७९ १४:२१
पूरा पढ्नुहोस्
प्रतिक्रिया
पठाउनुहोस्
×