लुम्बिनीमा विश्व शान्तिको प्रार्थना [फोटोफिचर]

मनोज पौडेल

काठमाडौँ — लुम्बिनी जेठ २ गते । आकर्षक रुपमा सिँगारिएको लुम्बिनीमा सोमबार विभिन्न कार्यक्रम गरी भव्य रुपमा बुद्धजयन्ती मनाइँदै छ । २५६६ औं बुद्धजयन्तीको अवसरमा यहाँ स्वदेश तथा विदेशबाट भिक्षु, भिक्षुणी, उपासकहरू आएका छन् ।

यस अवसरमा सोमबार बिहानै ७ बजे मायादेवी मन्दिरमा पूजापाठ र विश्व शान्तिका लगि प्रार्थना गरिएको थियो । यससँगै बुद्धजयन्तीका दिन वैशाख पूर्णिमामा लुम्बिनीमा निकै भीडभाड बढेको छ । स्वदेशी र विदेशी पर्यटकले लुम्बिनी भरिभराउ छ ।

बिहानदेखि नै लुम्बिनीस्थित मायादेवी मन्दिर दर्शन गर्ने दर्शनार्थीको उस्तै घुइँचो लागेको छ । भारतीय प्रधानमन्त्री नरेन्द्र मोदी आउने भनेपछि उक्त कार्यक्रम अवलोकन गर्न पनि धेरै जना उपस्थित थिए । मोदीको सुरक्षाका लागि बिहान ८ देखि ११ बजेसम्म मायादेवी मन्दिर बन्द गरिएको थियो । उनी ५ घण्टाका लागि लुम्बिनी आएका हुन् ।


प्रकाशित : जेष्ठ २, २०७९ १४:४६
प्रतिक्रिया
पठाउनुहोस्

युगान्डाले नेपाललाई दियो १०३ रनको लक्ष्य

विनोद पाण्डे

काठमाडौँ — नेपाली महिला क्रिकेट टोलीले युगान्डासँगको पहिलो ट्वान्टी-२० अन्तर्राष्ट्रिय खेल जित्न १ सय ३ रनको लक्ष्य पाएको छ । नेपालले टस जितेपछि ब्याटिङमा आएको युगान्डाले निर्धारित २० ओभरमा ५ विकेट गुमाई १ सय २ रन बनायो ।

त्रिवि क्रिकेट मैदान कीर्तिपुरमा भएको पहिलो महिला अन्तर्राष्ट्रिय खेलमा युगान्डाबाट जेनेट एमबाबाजीले सर्वाधिक २९ रन बनाए । उनले ३८ बल खेली ३ चौका प्रहार गरे । कविता कुँवरले लेनेआ बाबिर्येलाई खेलको तेस्रो बलमै बोल्ड गरे पनि त्यसपछि युगान्डाले सम्हालिएको प्रदर्शन गरेको थियो ।

एमबाबाजीले केभिन अविनोसँग दोस्रो विकेटमा ४६ रनको साझेदारी गरे । अविनोलाई १५ रनमा कप्तान रुविना क्षेत्रीले आउट गरिन् । फ्रान्क्लिन नाजुम्बाले १२ रन बनाए । रिता नयानगेन्डोले १३ बलमा १ चौका र १ छक्का प्रहार गरे ।

रीता मुसामाली १३ रन बनाई अविजित रहिन् । नेपालबाट कविता कुँवरले ४ ओभरमा १५ रन खर्चेर २ विकेट लिइन् । रुविना, कविता जोशी र उपकप्तान इन्दु बर्माले १,१ विकेट लिए ।

नेपालले घरेलु मैदानमा पहिलो महिला द्विपक्षीय शृंखला खेलिरहेको छ ।

प्रकाशित : जेष्ठ २, २०७९ १४:४२
पूरा पढ्नुहोस्
प्रतिक्रिया
पठाउनुहोस्
×