यसरी छानिँदैछ म्यादी प्रहरी [तस्बिरहरु]

काठमाडौँ — आउँदो वैशाख ३० गते हुने स्थानीय तह निर्वाचनका लागि देशभर धमाधम म्यादी प्रहरी छनोट प्रक्रिया चलिरहेको छ । म्यादी प्रहरीका लागि दरखास्त दिएकाहरुको स्वास्थ्य तथा शारीरिक परीक्षणलगायत जाँच गरेर छनोट प्रक्रिया अगाडि बढाइएको हो । कीर्तिपुरको चोभारस्थित ल्याबोरेटरी सेकेन्डरी हाइस्कुलको मैदानमा मंगलबार म्यादी प्रहरीका उम्मेदवारहरुको प्रारम्भिक स्वास्थ्य परीक्षण तथा शारीरिक तन्दुरुस्ती परीक्षा लिइएको थियो ।

दर्जनौंको संख्यामा रहेका म्यादीमा दरखास्त दिएकाहरुलाई पुसअप, दौड, सेटअपलगायतका क्रियाकलापमा सहभागी गराइएको थियो । प्रहरी प्रधान कार्यालयलले चैत ६ देखि ११ गतेसम्म म्यादी प्रहरीमा दरखास्त आह्वान गरेको थियो । त्यस अवधिमा झन्डै ३ लाखले आवेदन दिएका थिए । यस पटकको निर्वाचनमा १ लाख म्यादी प्रहरी भर्ना गरिँदैछ ।