कान्तिपुर वेबसाईट
AdvertisementAdvertisement

एमसीसीको विरोधमा प्रदर्शन र आमसभा [फोटोफिचर]

केशव थापा

काठमाडौँ — प्रतिनिधिसभाबाट अनुमोदन गरिएको एमसीसी सम्झौताविरुद्ध साना वामपन्थी दलहरूले राजधानीको खुला मञ्चमा विरोध प्रदर्शन गरेका छन् । नेत्रविक्रम चन्द नेतृत्वको नेकपा, नेकपा मसाल, नेकपा (क्रान्तिकारी माओवादी), राष्ट्रिय जनमोर्चा, देशभक्त गणतान्त्रिक मोर्चा, ऋषि कट्टेल नेतृत्वको नेकपा, वैज्ञानिक समाजवादी कम्युनिष्ट पार्टी र नेकपा माओवादी समाजवादीले संयुक्त रुपमा विरोध सभा गरेका हुन् ।

खुला मञ्चमा विरोध सभा आयोजना गर्नुअघि वामपन्थी दलहरुले विरोध र्‍यालीको आयोजनासमेत गरेका थिए । यस क्रममा आयोजक दलका नेताहरूले खुला मञ्चबाट एमसीसीको विरोध गर्दै यसले राष्ट्रघात भएको बताएका छन् । ती दलहरूले एमसीसी अनुमोदन गर्नु अघिदेखि नै विरोध प्रदर्शन गर्दैआएका थिए । एमसीसीले गर्दा नेपालको राष्ट्रिय स्वाधिनता र स्वतन्त्रता खोसिएको उनीहरूको जिकिर छ ।

प्रकाशित : फाल्गुन २०, २०७८ १५:२७
प्रतिक्रिया
पठाउनुहोस्

धरान रनमा ४ हजार दौडँदै

कान्तिपुर संवाददाता

सुनसरी — धरान रन समूहको आयोजनमा ‘शिक्षाका निम्ति च्यारिटी दौड’ मूल नाराका साथ शनिबार दसौं ‘धरान १० के रन’ हुने भएको छ । आयोजक धरान रन समूहका अध्यक्ष रोमु राईका अनुसार यस पटकको धरान रनमा ४ हजारभन्दा बढी धावकहरूले दौडन नाम दर्ता गरेका छन् । 

उनका अनुसार दौडमा नेपाल, भारत, हङकङ, बेलायत, जर्मन, कतार आदि मुलुकबाट धावक धाविकाहरूको सहभागिता रहने छ । दौडको खुल्ला समूहमा प्रथम, द्वितीय र तृतीय हुने विजयी धावक धाविकाहरूलाई क्रमश: नगद ६० हजार, नगद ५० हजार र नगद ३० हजार रुपैयाँ प्रदान गरिनेछ ।

१२ वर्षदेखि १६ वर्ष भत्रका, ४० वर्षदेखि माथि भेट्रान समूह र १२ वर्षदेखि मुनिकाहरुले धावक धाविकाले प्रथम द्वितीय तेस्रो पुरस्कार स्वरुप नगद राशि कमश: ७ हजार, ५ हजार र ३ हजार रुपैयाँ पाउने छन् । धरान रनको दसौं संस्करणमा पहिलो पटक ह्विल चेयर रेस पनि हुनेछ ।

प्रकाशित : फाल्गुन २०, २०७८ १५:०६
पूरा पढ्नुहोस्
प्रतिक्रिया
पठाउनुहोस्
×