एमसीसीको विरोधमा संसद्‌ भवन अगाडि जे देखियो [२५ तस्बिरहरु]

प्रहरीले भीड नियन्त्रणका लागि रबरको गोली चलायो भने अश्रुग्यास र पानीका फोहोरा प्रहार गर्‍यो । त्यसक्रममा दर्जनभन्दा बढी प्रदर्शनकारी घाइते भए । प्रदर्शनकारीको इँट्टा, ढुंगा प्रहारबाट केही प्रहरीसमेत घाइते भए । नेपाल प्रहरीका प्रवक्ता वरिष्ठ प्रहरी उपरीक्षक विष्णुकुमार केसीका अनुसार प्रहरीतर्फ १० घाइते भएका छन् । साँझपछि उपत्यकाको सुरक्षा अवस्था सामान्य बनेको छ ।

बिजुली बजारदेखि बानेश्वर हुँदै तीनकुने पुलसम्म प्रदर्शनकारीको अवरोधले कामकाजी सर्वसाधरणले शास्ती बेहोर्नुपरेको थियो । सम्भावित सुरक्षा जोखिमलाई मध्यनजर गरी उल्लेख्य संख्यामा नेपाल प्रहरी र सशस्त्र प्रहरी परिचालन गरिको थियो ।