हिमपातपछिको चन्द्रागिरि

अहिले देशभर सामान्यदेखि पूर्ण बदली भई धेरै स्थानहरुमा मेघगर्जन/चटयाङ सहित हल्का वर्षा भइरहेको मौसम पूर्वानुमान महाशाखाले जनाएको छ । उच्च पहाडी तथा हिमाली भेगमा हिमपात र वर्षा भइरहेको छ । विभिन्न स्थानमा बाक्लो हिमपातका कारण यातायात अवरुद्ध भएका छन् । साथै हिमाली तथा पहाडी भेगको जनजीवन प्रभावित भएको छ । महाशाखाका अनुसार शुक्रबार दिउँसो देशका धेरै स्थानहरुमा मेघगर्जन/चटयाङ/असिना सहित हल्कादेखि मध्यम वर्षाको सम्भावना रहेको छ ।