बासमा बाढी पसेपछि...

कान्तिपुर संवाददाता

कात्तिक २ को बाढीले घरभित्र ल्याएको हिलो शनिबार बाहिर ल्याएर फाल्दै कैलालीको फाँटाका बालिका । सतिघाट नजिकैको फाँटाकी तारा चौधरी बाढीले घर डुबाएपछि अहिले आफ्ना तीन छोरीसहित सडकमा बसिरहेकी छन् ।

शनिबार बिहान पुग्दा उनी साइकल र प्लाइले बारेर सडकमा बनाएको अस्थायी घरमा फुको भात खाँदै थिइन् । प्रधानमन्त्री शेरबहादुर देउवा शुक्रबार यो क्षेत्र (टीकापुर–राजापुर) को भ्रमणमा आए पनि बाढीपीडितले भने सरकारबाट खासै राहत पाएका छैनन् । तारा र उनका छिमेकी डम्बर कडायतका अनुसार सरकारले चाउचाउ र चिउराबाहेक केही व्यवस्था गरेको छैन । बाढीमा किताब बगेका र भिजेका कारण छोरीहरुलाई कसरी स्कुल पठाउने भन्ने चिन्तामा उनी थिइन् ।

तस्बिर सौजन्य : यज्ञश


प्रकाशित : कार्तिक ७, २०७८ ०९:४३
प्रतिक्रिया
पठाउनुहोस्

धादिङमा गुडिरहेको बसमा आगलागी, यात्रु सकुशल

रासस

धादिङ — पृथ्वी राजमार्गअन्तर्गत गजुरी गाउँपालिका–१ गजुरीबजारमा गुडिरहेका बसमा आज बिहान आगलागी भएको छ ।

सुर्खेतबाट काठमाडौँतर्फ आउँदै गरेको ना६ख १४७१ नंको यात्रुबसमा एक्कासी आगलागी भएको जिल्ला प्रहरी कार्यालयका प्रहरी नायब उपरीक्षक जागेश्वर भण्डारीले जानकारी दिए।

३६ जना यात्रु रहेको बसमा सबै यात्रु सकुशल रहेको र बसमा रहेको सामान भने जलेर नष्ट भएको छ । बसको इन्जिनबाट धुँवा निस्किनेबित्तिकै बस रोकेर यात्रुलाई बाहिर निकालेका कारण मानवीय क्षति हुन नपाएको प्रहरीले जनाएको छ । राजमार्ग क्षेत्रमा रहेको दमकल र स्थानीयवासीले आगो नियन्त्रणमा लिइएका थिए ।

प्रकाशित : कार्तिक ७, २०७८ ०९:२५
पूरा पढ्नुहोस्
प्रतिक्रिया
पठाउनुहोस्
×