तलेजु भवानी मन्दिरमा बिहानैदेखि भक्तजनको भीड

तस्बिर : इलिट जोशी

काठमाडौँ — महानवमीका दिनमात्र खुल्ने हनुमानढोका दरबारस्थित तलेजु भवानी मन्दिरमा पूजा, आराधना एवं दर्शन गर्न बिहान ४ बजेदेखि नै भक्तजनको लाम लागेको छ । तलेजु भवानी मन्दिर वर्षमा एक दिन दसैंको नवमीको दिन मात्र भक्तजनका लागि खुला गरिन्छ ।

गत वर्ष भने कोरोना महमारीका कारण मन्दिर भक्तजनका लागि खुला नगरिएकामा यस वर्ष कोरोना जोखिम कम रहेको र धेरैले खोप लगाएकाले स्वास्थ्य सुरक्षाका विधि अपनाएर मन्दिर खुला गरिएको हनुमानढोका दरबार हेरचाह अड्डाका कार्यालयय प्रमुख सन्दिप खनालले बताए । बिहान ६ बजेसम्म भक्तजनको लाम हनुमानढोका दरबारको मूलढोकासम्म पुगेको छ । बिहीबार लाममा बस्ने सबैलाई पूजा, आराधना र दर्शन गर्ने व्यवस्था मिलाइने कार्यालयले जनाएको छ ।

नवरात्रको नवौँ दिन दसैँ घर वा पूजा कोठामा नौ दुर्गामध्येकी नवौँ देवीअर्थात् सिद्धिदात्री देवीको पूजा आराधना गरिन्छ । प्रत्येक वर्ष आश्विन शुक्ल नवमीअर्थात् दुर्गा पक्षको नवौँ दिन सिद्धिदात्री देवीको विधिपूर्वक पूजा आराधना गर्ने वैदिक परम्परा छ । नवदुर्गा गणकी एउटी देवीको नाम सिद्धिदात्री पनि हो । नवरात्रमा देशभरका शक्तिपीठमा पूजा आराधना एवं दर्शन गर्ने भक्तजनको भीड लाग्ने गर्छ ।


प्रकाशित : आश्विन २८, २०७८ १२:३८
प्रतिक्रिया
पठाउनुहोस्

नवमीमा पाल्पाको ऐतिहासिक भगवती मन्दिरमा श्रद्धालुको भीड 

माधव अर्याल

पाल्पा — दसैंको नवौं दिन महानवमीका अवसरमा बिहीबार बिहानैदेखि पाल्पाका शक्तिपीठहरुमा देवीको दर्शन गर्ने, जमरा चढाउने र भजनकिर्तन गर्नेको घुँईचो लागेको छ । 

तानसेनस्थित रणउजीरेश्वरी भगवती, भैरवस्थान, विभिन्न स्थानमा रहेका देवीका मन्दिर, कोतघरमा पूजा गर्नेको लाइन लागेको छ । रणउजीरेश्वरी भगवतीको मन्दिरमा भवगती जात्राको दिन बिहान र दसैंको नवमीका दिन बढी भीड लाग्ने संस्कृतिविद् राजेन्द्रगोपाल सिंहले बताए ।


महानवमीका दिनमा गरिने दुर्गा पूजा लगायतका कार्य गरी घटस्थापनाका दिनमा राखिएको जमरा देवी देवताका मन्दिर, कोतघर, शक्तिपीठमा श्रद्धालुले लगेर चढाएका छन् । आजैका दिन देवीका मन्दिर र शक्तिपीठमा बोका, हाास, कुखुरा र राागाको बली दिइएको छ । संस्कृतिविद् मदन देउरालीका अनुसार नवमीमा दिनमा जमरा देवी देवतालाई चढाउने प्रचलन रहेको छ ।


पाल्पाका कोतहरुमा हर्षबढाइँका साथ अग्ला डाँडामा रहेका देवीका मन्दिरमा पूजा गरिएको छ । पाल्पाको तानसेनस्थित निशान घरमा निशान भगवती, ऐतिहासिक दसैंघरमा पूजा गरिएको छ ।

पाल्पाको अग्लोडााडामा रहेका मुझुङ्ग, छहरा, भुवनपोखरी, खालीवन, सिलुवा, बिरकोट, गल्धा, ज्यामिरे, अर्चले लगायतका गाउँका कोटघर र देवीको मन्दिरमासमेत दर्शनार्थीको घुँइचो लागेको छ ।

प्रकाशित : आश्विन २८, २०७८ ११:१०
पूरा पढ्नुहोस्
प्रतिक्रिया
पठाउनुहोस्
×