कान्तिपुर वेबसाईट
AdvertisementAdvertisement

एमाले विधान महाधिवेशन सुरु

तस्बिर : इलिट जोशी, तस्बिर : अंगद ढकाल

काठमाडौँ — नेकपा एमालेको विधान महाधिवेशन सुरू भएको छ । महाधिवेशनका लागि जिल्ला–जिल्लाबाट आएका प्रतिनिधिहरु ललितपुरको गोदावरी पुगेका छन् । सनराइज हलमा पार्टी अध्यक्ष केपी शर्मा ओलीले विधान महाधिवेशनको उद्घाटन गरेका हुन् ।

३ हजार क्षमताको हलमा ६ हजारभन्दा धेरै मान्छे अटाउने गरी व्यवस्थापन गरिएको छ । मुख्य हलमा ३ हजार, दायाँबायाँको खाली हलमा १/१ हजार, प्यासेजहरुका माथिल्लो खाली भागमा टेण्ट टाँगेर १ हजार अटाउने गरी हल तयार गरिएको छ । महाधिवेशनमा अध्यक्ष ओलीको राजनीतिक प्रतिवेदन, महासचिव ईश्वर पोखरेलको संगठनात्मक प्रतिवेदन र संगठन विभागको तर्फबाट उपमहासचिव विष्णु पौडेलले विधान संशोधन प्रस्ताव पेस गर्ने कार्यक्रम छ । यसअघि यी तीनैवटा दस्ताबेज स्थायी कमिटी, केन्द्रीय कमिटी र पुनस् स्थायी कमिटीबाट अनुमोदन भइसकेका छन् । विधान महाधिवेशनमार्फत पार्टी संगठनलाई पुनस्संगठित गर्ने र कार्यकर्ताको मनोबल उठाउने एमालेले जनाएको छ ।

महाधिवेशनमा केन्द्रीय कमिटीका पदाधिकारीसहित सदस्य, केन्द्रीय विभागबाट चुनिएका प्रतिनिधि, प्रदेश कमिटीका सबै सदस्य, जिल्ला कमिटीका प्रतिनिधि, संघ र प्रदेशका सांसद, पार्टीका तर्फबाट निर्वाचित जिल्ला समन्वय समितिका प्रमुख र उपप्रमुख, पार्टी सदस्य रहेका स्थानीय पालिकाका प्रमुख र उपप्रमुख, जनसंगठन र पेसागत संगठनहरूबाट चुनिएका प्रतिनिधि, भारतलगायत प्रवासका संघ/संगठनहरूबाट चुनिएका प्रतिनिधि, पार्टी केन्द्रबाट विधानबमोजिम मनोनीत सदस्यहरू गरी ६ हजारभन्दा बढी प्रतिनिधि सहभागी छन्।


प्रकाशित : आश्विन १५, २०७८ १३:१७
प्रतिक्रिया
पठाउनुहोस्

एमसीसी वैदेशिक हस्तक्षेप : केसी

प्रकाश बराल

बागलुङ — राष्ट्रिय जनमोर्चाका अध्यक्ष चित्रबहादुर केसीले ठूला राजनीतिक दलहरु विदेशीको इशारामा चलेको आरोप लगाएका छन् । सत्ता बाहिर बस्दा र सत्तामा गएपछिका काम, कारबाही र व्यवहारले विदेशी इशारामा चलेको पुष्टि भएको उनले बताए । उनले राष्ट्रियता र गणतन्त्र नै धरापमा पारेर विदेशीको पक्षमा लागेको समेत आरोप लगाएका छन् ।

शुक्रबार बिहान गृह जिल्ला बागलुङमा आएर प्रगतिशील पत्रकार संघले आयोजना गरेको भेटघाटमा बोल्दै केसीले ठूला दलले राजनीतिलाई व्यापार बनाएकोसमेत टिप्प्णी गरे ।

‘एमसीसीबाट देशको अस्तित्व बेचेर व्यापार गर्न खोजेका छन्,’ केसीले भने, ‘देश र जनताले नचाहेको विदेशी अनुदान खोजीखोजी ल्याउन दलहरु दगुरेको देखियो ।’ एमसीसी नै वैदेशिक हस्तक्षेप भएको उनको टिप्पणी छ । उनले जनताले बलिदानीबाट ल्याएको गणतन्त्रविरुद्ध समेत दलहरु बोल्न थालेको बताए ।

उनले सडकमा राजतन्त्रको आवाज उठ्नुमा राजनीतिक दलको अर्कमण्यता भएको टिप्प्णी गरे । एमालेले प्रतिगमनलाई साथ दिएकोले हिजो मित्र शक्ति भनिएको दलको साथ छाडेर कांग्रेसको सत्तालाई साथ दिएको बताए । ‘प्रतिगमनलाई साथ दिएपछि हामीले उनीहरुको साथमै बसिदिनु पर्ने केही पनि छैन,’ केसीले भने, ‘परिवर्तनका लािग लडेका गणेशमान र बीपी बिटुलो हुने, कम्प्युनिस्ट पार्टी भएपछि सबै चोखो हुने हुन्छ र ?’

वर्तमान सरकार संविधान अनुसार बनेको भन्दै परमादेश भनेर टिप्प्णी गर्नु पराजित मानसिकता मात्रै भएको समेत टिप्प्णी गरे । उनले संविधानको धारा ७६(५)को व्यवस्था अनुसार सरकार गठन भएको समेत बताए । सरकारलाई समर्थन गरेपछि स्रोत नखुलाई लगानी गर्न पाउने व्यवस्थाको भने खुलेर विरोध गरे । ‘स्रोत नखुलेको र कालोधनलाई सेतो बनाउने काम भने गर्न मिल्दैन,’ उनले भने, ‘अध्यादेश भने बाध्यताको उपज हो ।’ दल विभाजन सम्बन्धी अध्यादेशबारे उनले टिप्पणी गरेनन् ।

प्रकाशित : आश्विन १५, २०७८ १२:४४
पूरा पढ्नुहोस्
प्रतिक्रिया
पठाउनुहोस्
×