कान्तिपुर वेबसाईट
AdvertisementAdvertisement

जो १८ वर्षदेखि लाखे बनिरहेछन्

तस्बिर : इलिट जोशी

काठमाडौँ — चिकंमुगल बस्दै आएका ४१ वर्षीय शिव रञ्जितले मजिपा लाखे (लाखे आजु) भएर नाच्न थालेको १८ वर्ष जति भयो । उनीलाई इन्द्र जात्राको समयमा प्रमुख आर्कषण नै मानिन्छ । यो जात्रा एक सातासम्म चल्छ । जुन वसन्तपुर वरीपरी देखाइन्छ । उनी मुकुन्डो, कपडा, फेटा घंगाला लगाएर नाच्छन् । पौराणिक कथनहरुमा लाखेलाई एक दानवका रुपमा परिभाषित गरे पनि नेवार समुदायमा लाखेलाई एक शक्तिशाली देवताको रूपमा पुज्ने गरिन्छ ।

लाखेले आफूमा रहेको दानव आचरण त्यागेर साना बालबालिकाको रक्षाको दायित्व लिएका कारण नेवार समुदायमा लाखेलाई एक शक्तिशाली संरक्षकका रुपमा पुजा गर्ने गरेको बताइन्छ । आफ्नो संस्कृति अनुसार लाखे नाच्न पाउँदा उनी दंग छन् । । वसन्तपुरबाट केही मिटर टाढा लाखेननी, (इन्द्रजात्रा)मा निस्किन्छन् । इन्द्रजात्रा सुरु भएको एक सातासम्म मजिपा लाखे नाचेको दृश्य हेर्न सयौं मानिस यहाँ पुग्छन् ।


प्रकाशित : आश्विन ८, २०७८ २१:४२
प्रतिक्रिया
पठाउनुहोस्

फ्रेन्ड्स र युक्यानको सहकार्य

कान्तिपुर संवाददाता

काठमाडौँ — सहिद स्मारक ‘ए’ डिभिजन टोली फ्रेन्ड्स क्लबले जर्सी उत्पादक कम्पनी युक्यानसँग प्रायोजन सम्झौता गरेको छ । आगामी एक वर्षका लागि फ्रेन्ड्स र युक्यानबीच बिहीबार जर्सी सम्झौता भएको हो ।

फ्रेन्ड्सका अध्यक्ष दीपक थापा र युक्यान ब्रान्डको आधिकारिक बिक्रेता सिटीएल कम्पनीका निर्देशक राजेन महर्जनले हस्ताक्षर गरे । कात्तिक २९ देखि हुने भनिएको सहिद स्मारक लिगमा फ्रेन्ड्सले युक्यानको जर्सी लगाउने छ ।

अखिल नेपाल फुटबल संघका अध्यक्ष कर्माछिरिङ शेर्पा, उपाध्यक्ष उपेन्द्रमान सिंह, क्लबका अध्यक्ष दीपक थापा, सहसचिव घनश्याम विष्ट, युक्यानका निर्देशक महर्जन र क्लब कप्तान प्रकाश बुढाथोकीले जर्सी सार्वजनिक गरेका थिए ।

निर्देशक महर्जनले फुटबल व्यावसायिक होस् भन्ने चाहनाका साथ फ्रेन्ड्ससँग जोडिएको र नयाँ सामग्रीलाई पहिलोपटक नै ‘ए’ डिभिजन क्लबसँग जोडेको बताए । खेलकुद सामग्री कम्पनीसँगको प्रायोजनले मनोबल थप बढेको र केही दिनमै टिमसँगै मुख्य प्रायोजक र प्रायोजकसँग सम्झौता गरिने अध्यक्ष थापाले जनाए ।

एन्फा अध्यक्ष शेर्पाले निजी कम्पनी युक्यानसँगै अन्य कम्पनीहरू फुटबलमा जोडिनु शुभसंकेत रहेको बताए । ‘ए’ डिभिजन लिगलाई टोली निर्माणका क्रममा रहेको फ्रेन्ड्समा प्रकाश बुढाथोकी लामो समयपछि क्लबमा फर्किएका छन् भने सुशील लामा पनि अनुबन्धित भइसकेका छन् ।

प्रकाशित : आश्विन ८, २०७८ २१:४२
पूरा पढ्नुहोस्
प्रतिक्रिया
पठाउनुहोस्
×