गाँजालाई वैधानिकता दिनुपर्ने मागसहित प्रदर्शन

तस्बिर : इलिट जोशी

काठमाडौँ — गाँजालाई वैधानिकता दिन र गाँजा राखेको आरोपमा पक्राउ परेका राजीव काफ्लेको रिहाईका माग गर्दै सोमबार काठमाडौंमा प्रदर्शन गरिएको छ । सोमबार माइतीघरमा काफ्लेको रिहाई माग गर्दै एउटा समूहले प्रदर्शन गरेको हो ।

उनीहरूले गाँजालाई वैधानिकता प्रदान गरी देशको अर्थतन्त्र उकास्न सरकारसँग माग पनि राखेका छन् । प्रदर्शनकारीले ‘गाँजावादी एक हौँ’, ‘देश गाँजा खानेले होइन, नखानेले बिगारेको हो’ लगायतका नारा लेखिएका प्लेकार्ड बोकेका थिए । 

दुई साताअघि नेपाल प्रहरीले गाँजा सेवन र बिक्रीको आरोपमा राजीव काफ्लेलाई पक्राउ गरेको थियो । गाँजामाथिको प्रतिबन्ध खुलाउन नेपालभित्र र अन्तर्राष्ट्रियस्तरमा पनि लबिङ गरिरहेका काफ्लेलाई उनको रेस्टुराँमा काम गर्ने एक कामदारको साथबाट ८३ ग्राम गाँजा भेटिएको अभियोग पक्राउ गरिएपछि त्यसमाथि  बहस सुरु भएको छ । 

प्रकाशित : आश्विन ४, २०७८ १३:४४
प्रतिक्रिया
पठाउनुहोस्

१०३ अंकले घट्यो नेप्से, पौने ५ अर्बको मात्र कारोबार

कान्तिपुर संवाददाता

काठमाडौँ — सवा दुई घण्टाको अवधिमा सेयर कारोबार मापक नेप्से परिसूचक करिब १ सय अंकले घटिसकेको छ ।

सोमबार बजार खुल्दादेखि नै घट्न थालेको नेप्से पछिल्लो समय तीव्र रुपमा घट्न थालेको हो । सोही क्रममा १:२५ बजेसम्म नेप्से १०३ अंकले घटिसकेको छ ।

कारोबार रकम भने ४ अर्ब ७८ करोड रुपैयाँबराबरको छ । गत साता पछिल्ला तीन कारोबार दिन लगातार घटेको नेप्सेले यो साताको सुरुदेखि नै तीव्र गतिमा ओरोलो लागेको हो ।

प्रकाशित : आश्विन ४, २०७८ १३:२८
पूरा पढ्नुहोस्
प्रतिक्रिया
पठाउनुहोस्
×