कान्तिपुर वेबसाईट
AdvertisementAdvertisement

कपिलवस्तुबाट छर्लंगै हिमाल

मनोज पौडेल

कपिलवस्तु — मौसम सफा भएसँगै कपिलवस्तुबाटै हिमालहरू देखिएपछि स्थानीय निकै उत्साहित भएका छन् । आइतबार र सोमबार बिहानैबाट दिउँसोसम्म यहाँबाट हिमालहरु छर्लंगै देखिएका थिए । सदरमुकाम तौलिहवाका घरका छत, कौसी र दैलोबाटै मज्जाले सेताम्य हिमाल देखिएको थियो । आँखैअघि हिमाल देखिएपछि सर्वसाधारण फोटो र सेल्फी खिच्न तछाडमछाड गरिरहेका थिए ।

यहाँबाट विश्वकै सातौं अग्लो ८ हजार १६७ मिटर अग्लो धौलागिरी देखिएको थियो । त्यस्तै, विश्वको दशौं अग्लो तथा नेपालको नवौं अग्लो ८ हजार ९१ मिटर अग्लो अन्नपूर्ण पहिलो र ७ हजार २१९ मिटर लग्लो अन्नपूर्ण साउथ हिमाल देखिएको थियो । त्यस्तै, ७ हजार १३४ मिटर अग्लो तिलिचो हिमाल पनि उत्तिकै चित्ताकर्षक देखिएको थियो ।

दुई दिनदेखि बादलको पर्दा हटाएर हिमालले बुद्धस्थल तौलिहवा र आसपासलाई हेरिरहेको देख्दा निक्कै रमाइलो लागेको स्थानीय अनिल मालीले बताए । ‘दशकयता बिहानको लालीमय र दिउँसो सेतामय हिमाल देखेको थिइनँ,’ उनले भने, ‘हिमालको सुन्दरताको जति बखान गरेपनि कम हुन्छ ।’


प्रकाशित : भाद्र २८, २०७८ १९:०८
प्रतिक्रिया
पठाउनुहोस्

३ महिनापछि चल्यो नास्टको ग्राउन्ड स्टेसन

गोविन्द पोखरेल

काठमाडौँ — नेपाल विज्ञान तथा प्रविधि प्रज्ञा प्रतिष्ठान (नास्ट)को ग्राउन्ड स्टेसन ३ महिनापछि पुनः सञ्चालनमा आएको छ । स्टेसनको एन्टेनामा जडान हुने चिप बिग्रिएपछि ३ महिना बन्द भएको थियो । 

गत डिसेम्बरमा रोटेटर बिग्रिएपछि स्टेसन एक महिना बन्द भएको थियो । केही महिना चलेपछि 'इन्कोडर' बिग्रिएपछि ३ महिनासम्म बन्द भएको थियो । लकडाउन खुलेसँगै जापानबाट इन्कोडर चिप ल्याइएपछि स्टेसन पुनः सञ्चालनमा आएको नास्टका प्रविधि संकाय प्रमुख रविन्द्र ढकालले जानकारी दिए ।

इन्कोडर चिपले रोटेटर घुम्दा कति डिग्रीको कोण बनाएर घुम्‍ने सम्बन्धमा कमान्ड दिने काम गर्छ । चिप बिग्रिएपछि उक्त काम रोकिएको थियो ।

स्टेसन बनेसँगै स्याटेलाइटसँग कम्युनिकेसन हुन थालेको ढकालले जानकारी दिए । स्टेसनबाट नेपाली स्याट-१ ले खिचेका तस्बिरहरु लिने काम भइरहेको उनले जानकारी दिए । नास्टको ग्राउन्ड स्टेसनबाट बर्ड्स मिसन अन्तर्गतका स्याटेलाइटहरूलाई पनि निगरानी गर्न सकिन्छ । अहिले स्टेसनबाट हुने नियमित काम भइरहेका छन् । स्टेसनमा ४ जना विद्यार्थी खटिएका छन् । उनीहरूलाई तालिम दिएर स्याटेलाइट निगरानीका लागि स्टेसनमा खटाइएको हो । ग्राउन्ड स्टेसनले लोरा डेमोन्सट्रेसन मिसन अन्तर्गतको डाटा, हाइ स्याम्प्लिङ डेटा लिइरहेको छ ।

नास्टमा नेपाली स्याटेलाइट-१ लाई लक्षित गरेर यो स्टेसन निर्माण गरिएको हो । स्टेसनले अन्य स्याटेलाइटहरुबाट पनि तथ्यांक लिन सक्ने बताइएको छ ।

नेपाली स्याट-१ प्रक्षेपण भएको ५ महिनापछि मात्रै नास्टमा ग्राउन्ड स्टेसन निर्माण भएको थियो । त्यसबेला नास्टले सार्वजनिक खरिद प्रणालीको कारण देखाउँदै स्टेसन निर्माणमा ढिलाइ भएको बताएको थियो । स्टेसन निर्माण भएपनि त्यहाँ प्रयोग हुने रेडियो उपकरण फरक मोड्युलको परेपछि स्याटेलाइटबाट तथ्यांक लिन सकेन । रेडियो अर्कै मोड्युलको परेको विषय बाहिरिएपछि विवादसमेत भएको थियो ।

नास्टमा जडान गरिएको ग्राउन्ड स्टेसनको एन्टेना । एन्टेनामा जडान हुने सामानहरु बिग्रिदा ३ महिनासम्म स्टेसनबाट काम हुन छाडेको थियो । तस्बिर: केशव थापा/कान्तिपुर ।

उक्त रेडियो फेर्न पनि केही महिना लागेको थियो । रेडियो जडान गरेपछि केही समय स्टेसन चलेको थियो तर जनशक्ति अभावका कारण नियमित रुपमा हुने कामहरु हुन सकेको थिएन । कहिले रोटेटेर बिग्रिने, कहिले एलिभेसन मोटर बिग्रिनेजस्ता समस्याहरु स्टेसनमा देखा पर्दै आएको छ ।

नेपाली स्याट-१का निर्माणकर्ता आभास मास्के स्वदेश फर्किएपछि नास्टले उनैलाई स्टेसन सम्बन्धीको काम गर्न सघाइदिन आग्रह गरेको थियो । हाल मास्केसहितको टिमले ग्राउन्ड स्टेसनको मोनिटरिङ गरिदिँदै आएको छ ।

प्रकाशित : भाद्र २८, २०७८ १८:४९
पूरा पढ्नुहोस्
प्रतिक्रिया
पठाउनुहोस्
×