कान्तिपुर वेबसाईट
AdvertisementAdvertisement

साताका ७ तस्बिर

कान्तिपुर संवाददाता

काठमाडौँ — यो साता हामीलाई उत्कृष्ट लागेका ७ तस्बिरहरु । झरीमा प्लास्टिक ओढेर गन्तव्यतिर अगाडि बढ्दै रिक्सा चालक । तस्बिर : सन्जोग मानन्धर

नव नियुक्त प्रधानमन्त्री शेरबहादुर देउवा शितल निवासमा शपथपछि पदबहाल गर्न सिंहदरबारस्थित प्रधानमन्त्रीको कार्यालय प्रवेश गर्दै । तस्बिर : किरण पाण्डे

पूर्व प्रधानमन्त्री केपी शर्मा ओली पदमुक्त भएपछि बालुवाटारदेखि र्‍याली गरेर बालकोट लग्दै एमालेका कार्यकर्ताहरु । तस्बिर : इलिट जोशी

राजधानीको इन्द्रचोकमा साउन १ गते चुरा र पोते किन्दै महिलाहरु । कोभिड १९ का महामारीका कारण पहिलेभन्दा व्यापार ९०% ले घटेको व्यापारीहरु बताउँछन् । तस्बिर : बिजु महर्जन

पर्वतको नयाँपुलमा मध्यपहाडी सडकमाथिबाट खसेको पहिरो । तस्बिर : अगन्धर तिवारी

आफ्नो आहार मुखमा च्यापेर रुखको हाँगामा बसेको कटुस टाउके मुरली चरा [चेस्टनट-हेडेड बि इटर] चरा । तस्बिर : दीपक केसी

सिंहदरबार अगाडी प्रदर्शन गर्ने क्रममा नागरिक आन्दोलनका अभियान्ता नारायण वाग्लेलाई पक्राउ गर्दै प्रहरी । तस्बिर: अंगद ढकाल ।


प्रकाशित : श्रावण २, २०७८ १८:०७
प्रतिक्रिया
पठाउनुहोस्

सिद्धबाबा नजिकै ठाउँठाउँमा पहिरो, राजमार्ग अवरुद्ध

माधव अर्याल

पाल्पा — सिद्धार्थ राजमार्ग अन्तर्गत बर्तुङ–चिडियाखोला सडक खण्डको सिद्धबाबा क्षेत्रका ठाउँठाउँमा पहिरो खस्दा सडक अवरुद्ध भएको छ ।

सिद्धार्थ राजमार्ग नजिकै खसेको पहिरो पन्छाउँदै । तस्बिर सौजन्य : विष्णुप्रसाद पाण्डेय  

तिनाउ गाउँपालिका–३ अन्तर्गत सिद्धबाबा क्षेत्रको कदमबास, छहरा, हेडबक्स, नागमन्दिर लगायतका दर्जन बढी स्थानमा ढुंगा माटोसहितको पहिरो खसेपछि सडक अवरुद्ध भएको दोभान प्रहरी चौकीले जनाएको छ ।

शनिबार बिहानैदेखि परेको वर्षा नरोकिएको र खुलाउने प्रयास गर्दासमेत माथिल्लो भागबाट ढुंगा खसेपछि असफल भएको दोभान प्रहरी चौकीका प्रमुख सोमबहादुर सारुले बताए । उनका अनुसार सडकमा भएको पहिरो पन्छाउँदै सिद्धबाबा मन्दिर नजिक पुगेपनि वर्षा नरोकिएको र ढुंगा खस्ने क्रमसमेत बढेकाले काम गर्न सकिएको छैन ।

'पानी पर्न अझै रोकिएको छैन । सडक अवरुद्ध भएपछि पहाडी भेगबाट तराई झर्ने र तराईबाट पहाडका विभिन्न जिल्लामा जाने सवारी साधन रोकिएको छ,' स्थानीय विष्णुप्रसाद पाण्डेयले बताए ।

उनका अनुसार एम्बुलेन्स, साना सवारी साधन र पोखराबाट बुटवल हिँडेका सार्वजनिक सवारी साधनसमेत रोकिएका छन् । झुम्सा, २४ माइल, पानीमिल, हिउँदेखोला लगायतका स्थानमा भने राजमार्ग एकतर्फी सञ्चालनमा छ ।

प्रकाशित : श्रावण २, २०७८ १७:०४
पूरा पढ्नुहोस्
प्रतिक्रिया
पठाउनुहोस्
×