कान्तिपुर वेबसाईट
AdvertisementAdvertisement

तस्बिरहरुमा हेर्नुहोस् असार १५ को रौनक

तस्बिर : अंगद ढकाल, तस्बिर : इलिट जोशी

काठमाडौँ — म्गंलबार देशभरका किसानहरुले धान रोपेर असार पन्ध्र मनाएका छन् । असार पन्ध्रलाई धान दिवस भनेर अहिले मनाउन थालिएको छ । मानो रोपेर मुरी उब्जाउने महिना हो असार । गाउँबेसी र तराईका फाँटहरुमा अहिले धान रोप्ने चटारो छ । हल गोरुले हिल्ल्याएको हिलो सम्याउँदै बाउसे गरेर छुपुछुपु धान रोप्दै गरेका रोपाहारहरुको दृश्य रमाइलो देखिन्छ । त्यसमाथि लाठे र रोपाहारको दोहोरी असारे भाकाले खेतको माहोल झन् रमाइलो बन्छ । के बच्चा के बुढा एक आपसमा हिलो छ्यापाछ्याप गरेर मनाउँछन् धान दिवस । यसपालि समयमै पर्याप्त पानी परेको कारणले किसानहरु खुसी छन् ।


प्रकाशित : असार १५, २०७८ १८:५५
प्रतिक्रिया
पठाउनुहोस्

निषेधाज्ञा खुकुलो भएसँगै उपत्यकामा बढ्यो चहलपहल [तस्बिरहरु]

तस्बिर : अंगद ढकाल, तस्बिर : इलिट जोशी

काठमाडौँ — काठमाडौं उपत्यकामा सवारीमा जोरबिजोर प्रणाली लागू गरी निषेधाज्ञा खुकुलो पारिएपछि मंगलबार सडकमा चहलपहल बढेको छ । पसलहरू पनि खुल्न थालेका छन् । सवारीको चाप बढेसँगै सडकमा धेरैपछि ट्राफिक जाम भएको छ । व्यापारिक केन्द्रहरु न्युरोडलगायतका क्षेत्रमा बिहानैदेखि चहलपहल बढेको छ । व्यवसायीहरू करिब दुई महिना बन्द रहेको पसलको सरसफाइमा व्यस्त देखिन्थे । सुनचाँदी पसल, भाँडाकुँडालगायत पसलहरु खुल्न थालेका छन् । पसलहरु खुलेसँगै सर्वसाधारणको आवतजावत पनि बढेको छ ।

निषेधाज्ञालाई केही खुकुलो पार्दै उपत्यकाको तीन वटा जिल्ला भक्तपुर, ललितपुर र काठमाडौंका प्रशासन कार्यालयले निजी सवारी साधनहरुलाई जोरबिजोर प्रणालीबाट सन्चालन गर्ने निर्णय गरेको हो । ट्याक्सी र पठाओलाई पनि चल्न दिइने भएको छ । त्यस्तै बार अनुसार पसलहरु पनि खुल्न थालेका छन् ।


प्रकाशित : असार ८, २०७८ १२:४६
पूरा पढ्नुहोस्
प्रतिक्रिया
पठाउनुहोस्
×