कान्तिपुर वेबसाईट
AdvertisementAdvertisement

यसरी बनाइँदै छ काठमाडौंको बानेश्‍वरमा आकाशे पुल [तस्बिरहरु]

कान्तिपुर संवाददाता

काठमाडौँ — काठमाडौंको अति व्यस्त चोकमध्येको एक नयाँ बानेश्वर चोकमा आकाशे पुलको ट्रस्ट राखिएको छ । संघीय संसद् भवन नजिकैको चोकमा कार्यालय समयमा र साँझको समयमा बाटो काट्ने यात्रीले सास्ती खेप्दै आएका छन् । बुधबार अपरान्ह भुइँमा बनाइएको फलामको ट्रस्टलाई आकाशेपुलको पिल्लरमा जोडिएको छ ।

बानेश्वर चोकबाट पश्चिमतर्फ ५० मिटरको दुरीमा रहेको यो पुलले दैनिक १५ हजार जना व्यक्तिलाई वारपार गर्न सहज बनाउने बताइएको छ । यस्तै भुइँमा सडक ट्राफिकलाई समेत सहज बनाउने छ ।

आकाशे पुल निर्माण अनुगमन गरिरहेको काठमाडौं सडक डिभिजन कार्यालयका प्रमुख कुवेर नेपालीले यो पुल यसै आर्थिक वर्षमा निर्माण सम्पन्न भइ प्रयोगमा आउने बताए । ३८ मिटर लम्बाईको यो पुल मान्छे मात्र वारपार गर्न मिल्ने गरी बनाइएको छ । यो पुलको निर्माण लागत ३ करोड १० लाख रहेको छ । मान्छे हिँड्ने फुटपाथको चौडाइ ३ मिटरको छ भने यो पुल जमिनबाट ५ मिटर माथि रहेको छ ।

प्रकाशित : जेष्ठ २६, २०७८ १७:५२
प्रतिक्रिया
पठाउनुहोस्

सुन्दर कोटेश्वर-कलंकी सडकखण्ड

कान्तिपुर संवाददाता

काठमाडौँ — कोटेश्वरदेखि कलंकीसम्म १०.२ दशमलव सडकखण्डको स्वरुप यतिबेला फेरिएको छ । निषेधाज्ञाको बेला शान्त रहेको यो सडकखण्डमा अहिले वरिपरि फुलेका फूलहरु र हरियालीले धेरै मनमोहक बनाएको छ । आफ्नो व्यवसायिक सामाजिक जिम्मेवारी अन्तर्गत एनसेल आजियाटा लिमिटेडले वन तथा भू-संरक्षण विभागसँगको सहकार्यमा यो सडकखण्डको ग्रिनबेल्ट क्षेत्रमा हरियाली निर्माण गरिरहेको छ ।

यतिबेला यो सडकखण्ड हरियाली बनाउने काम अन्तिम चरणमा पुगेको छ। निषेधाज्ञाको समयमा पनि बिरुवाहरुमा पानी हाल्ने र गोडमेलको काम भइरहेको छ। विभिन्न प्रजातिका फूलहरु र रुखहरुले गर्दा यो सडकखण्ड निकै आकर्षित देखिन्छ।

प्रकाशित : जेष्ठ २६, २०७८ १७:४६
पूरा पढ्नुहोस्
प्रतिक्रिया
पठाउनुहोस्
×