कान्तिपुर वेबसाईट
AdvertisementAdvertisement

तस्बिरमा मंगल ग्रह

इकान्तिपुर डेस्क

काठमाडौँ — नासाको पर्सिभरेन्स रोभर मंगल ग्रहमा अवतरण गरेको सय दिन पूरा भएको छ । यस वर्षको फेब्रुअरी १८ मा 'रेड प्लान्ट' पर्सिभरेन्स रोभर इन्जिन्युटी हेलिकप्टर लिएर त्यहाँ पुगेको थियो ।

मंगल गृहमा यो रोभरले जीवनको खोजका लागि सूक्ष्म जीवको अस्तित्वको खोजीमा लागिरहेको छ । यसका अलवा यो रोभरले त्यहाँको जलवायु र भौगर्भिक अनुसन्धान पनि गरिरहेको छ । पर्सिभरेन्स मंगल ग्रहको जर्जेरो क्रेटरमा अवतरण गरेको थियो । मंगल ग्रहमा पुगेसँगै पर्सिभरेन्सले विभिन्न तस्बिरहरु खिचेको छ ।

पर्सिभरेन्ससँग रहेको इइन्जिन्युटी हेलिकप्टरले पनि मंगल ग्रहमा सफलतापूर्वक टेस्ट फ्लाइट गरिसकेको छ । इन्जिन्युटी पृथ्वी बाहिर अन्य ग्रहमा उड्ने संसारको पहिलो यान पनि बनेको छ । नासाको जेट प्रपोल्सन ल्याबोरेटरीले पर्सिभरेन्सको मंगल ग्रह यात्रा र त्यहाँ तस्बिरहरु संकलन गरेको छ ।


प्रकाशित : जेष्ठ १९, २०७८ १४:१९
प्रतिक्रिया
पठाउनुहोस्

विराटनगरमा प्रहरी हवल्दारसहित ४ जनाको कोरोना संक्रमणबाट मृत्यु

कान्तिपुर संवाददाता

मोरङ — जिल्ला प्रहरी कार्यालय मोरङमा कार्यरत एक प्रहरी हवल्दारसहित विराटनगरमा ४ जनाको बुधबार मृत्यु भएको छ । विराटनगर ३ घर भएका ४० वर्षीय प्रहरी हवल्दार वेदराज भण्डारीको उपचारको क्रममा मृत्यु भएको नोबेल अस्पतालका प्रबन्धक नारायण दाहालले बताए । 

कटहरीस्थित सीआरभी पोष्टमा कार्यरत भण्डारीलाई जेठ २ गते संक्रमण पुष्टि भएको थियो । नोबेलमा नै उपचारको क्रममा ८:३० बजे मृत्यु भएको जिल्ला प्रहरी मोरङका प्रवक्ता डीएसपी मानबहादुर राईले बताए । हालसम्ममा मोरङमा दुई प्रहरी अधिकृतसहित ४१ जना प्रहरी संक्रमित भएको उनले बताए ।

यस्तै, विराटनगर ३ का ५४ वर्षीय पुरुष, सुनसरीको इटहरी ७ का ७१ वर्षीय पुरुष र इटहरी ९ की ४२ वर्षीया महिलाको उपचारको क्रममा मृत्यु भएको विराट मेडिकल शिक्षण अस्पतालका कोभिड अस्पतालका इन्चार्ज डा. सुनिल देवले बताए ।

प्रकाशित : जेष्ठ १९, २०७८ १४:१३
पूरा पढ्नुहोस्
प्रतिक्रिया
पठाउनुहोस्
×