कान्तिपुर वेबसाईट
AdvertisementAdvertisement

फूल फुलेका बेला निषेधाज्ञा लागेपछि... [तस्बिरहरु]

शब्द/तस्बिर : प्रकाशचन्द्र तिमिल्सेना

काठमाडौँ — नागार्जुन नगरपालिका, इचँगुका अधिकांश किसान फूलखेतीमा आश्रित छन् । अघिल्लो पटक लकडाउनमा सबै किसानले फूल खेर फाल्नु परेको थियो । यसपटक पनि फूल त्यसै फल्नुपर्ने हो कि भनेर किसानहरु पिरोलिएका छन् ।

माइली तामाङ भन्छिन्, 'आफ्नो जग्गा थोरै छ । एक रोपनी जग्गा भाडामा लिएर काम गरिरहेका छौं । सबै काम खेताला लगाएर गर्नुपर्छ । गोड्नुपर्‍यो, मल हाल्नुपर्‍यो ।' अघिल्लो वर्ष लकडाउनमा २–३ लाख घाटा भएको उनी बताउँछिन् । यसपटक निषेधाज्ञा सुरु भएपछि फेरि चिन्तित छन्, माइली जस्तै अरु फूल खेती गर्ने किसानहरू ।

माइली निषेधाज्ञा हुनुभन्दा अगाडि इचँगुनारायणबाट आफै गाडी चढेर फूल लिएर सधैं बजार जान्थिन् । असन, इन्द्रचोक, मछिन्द्रबहालसम्म पुग्थिन् । अहिले उनी त्यसरी हिँड्न पाउँदिनन् । यसैले उनका फूल लिएर श्रीमान् हिँडेरै असनसम्म जान्छन् । त्यहाँ लगेर लोकल व्यपारीलाई फूल दिन्छन् । निषेधाज्ञा हुनु माइली । अहिले उनका श्रीमान् दिन बिराएर पैदलै बजार जान्छन् ।

अर्की फूल किसान दिलमाया श्रेष्ठ ४३, २० वर्षदेखि फूल खेती गरिरहेको बताउँछिन् । उनी भन्छिन्, 'अघिल्लो वर्ष लकडाउनले गर्दा २ लाखको फूल फाल्नुपर्‍यो यसपालि पनि त्यस्तै हुने हो कि भन्ने डर छ ।' उनका दुई छोरा छन् । 'श्रीमान् ज्यामी काम गर्नु हुन्थ्यो । आजभोलि काम पनि छैन । यस्तै हो भने के खाएर बाँच्ने हो' श्रेष्ठले भनिन् ।

उनका फूल पशुपतिका व्यfपारीले लैजाने गरेका छन् । दुई रोपनी जग्गामा उनले फूल खेती गरिरहेकी छन् । जसमा एक रोपनी जग्गा भाडामा लिएबापत वार्षिक २० हजार तिर्दै आएकी छन् ।


प्रकाशित : जेष्ठ २, २०७८ १६:०४
प्रतिक्रिया
पठाउनुहोस्

घर कि नर्सरी ? [फोटोफिचर]

हरेक वर्ष ६० हजार लगानी गर्ने शमशेरले मासिक ३० हजार आम्दानी गरिरहेका छन्
शब्द/तस्बिर : प्रकाशचन्द्र तिमिल्सेना

काठमाडौँ — भारतीय गोर्खा सैनिकमा भर्ती हुन जाँदा कोमल मुटुको भनेर फर्काइएका शमशेर राई अहिले आफ्नै घरभित्र विभिन्न प्रजातिका कोमल फूल फुलाइरहेका छन् । पुर्ख्यौली घर भोजपुर जरायोटारका ५४ वर्षीय राईले ललितपुरको सीतापाखामा रहेको चार आनामा बनेको आफ्नो घरभित्र र बाहिर विभिन्न प्रजातिका फूलको नर्सरी बनाएका छन् । 

एसएलसी पास गरेपछि आईए पढ्न काठमाडौं आएदेखि नै नर्सरीमा काम गर्दै पढ्दै गरेका उनले एक वर्ष होटलमा काम गरे । त्यसपछि याक एन्ड यती होटलमा मालीको काम गर्न उनलाई बोलाइयो । त्यहाँ उनले काम गर्न थालेको २४ वर्ष भयो । घरको नर्सरीमा भने साँझबिहानको समय मिलाएर काम गर्दै आएका छन् । बाहिर जग्गा भाडामा लिएर नर्सरी राख्दा खर्च बढी लाग्ने भएकाले आफ्नै घरमा विभिन्न प्रजातिका फूल लगाएको उनको भनाइ छ ।

उनीकहाँ लक्की ब्याम्बो, मनिप्लान्ट, पान्डा प्लान्ट, सिल्भर पेन्स, मन्स्टेरा, इन्कामेरिगोल्ड, बुकन्बेलीलगायत फूल पाइन्छन् । शमशेरले सबै बिरुवा आफैं उत्पादन गर्छन् । नर्सरीमा २५ देखि १५ सय रुपैयाँसम्मको बिरुवा पाइने उनले जानकारी दिए । यसका लागि वार्षिक ५० हजारदेखि ६० हजार रुपैयाँसम्म लगानी लाग्ने उनले बताए । व्यापार भने मासिक २५ देखि २० हजार रुपैयाँसम्म हुने उनको भनाइ छ । ‘घर आउने ग्राहक मैले गरेको काम देखेर चकित पर्नुहुन्छ,’ उनले भने, ‘मैले घरमै बिरुवा उत्पादन गरेको देखेर रमाउनुहुन्छ ।’ 

परिवारका सदस्यले व्यवसायमा सघाइरहेको उनले बताए । आफ्नै घरमा थोरै लगानीमा पनि काम गर्न सकिँदो रहेछ भन्ने प्रमाणित भएको उनको भनाइ छ । भन्छन्, ‘समयको सदुपयोग गर्नुहोस्, आफू बन्यो भने समाज बन्छ । समाज बन्यो भने राष्ट्र बन्छ ।’


प्रकाशित : श्रावण ३१, २०७७ ०८:४९
पूरा पढ्नुहोस्
प्रतिक्रिया
पठाउनुहोस्
×