आमाको मुख हेर्ने दिन सुनसान मातातीर्थ (तस्बिरहरू)
काठमाडौँ — कोरोना भाइरस रोकथामका लागि जारी निषेधाज्ञामा चन्द्रागिरी नगरपालिकास्थित मातातीर्थ औँसी मेला प्रभावित भएको छ । निषेधाज्ञाकै कारण मातातीर्थ मेला पनि स्थगित गरिएको छ ।
कुण्ड परिसरमा सुरक्षाकर्मी खटाइएका छन् । यहाँका केही स्थानीयले भने गेट बाहिरैबाट पूजाआजा गरेका छन् । केही स्थानीयवासीले मातातीर्थमा पुगेर आमाको प्रतीमामा पूजा गरेका थिए ।
प्रत्येक वर्ष वैशाख कृष्ण औँसीको दिन आमाको मुख हेर्ने दिन (मातातीर्थ औँसी)का दिन यहाँ मेला लाग्ने गर्छ ।