कान्तिपुर वेबसाईट
AdvertisementAdvertisement

स्वास्थ्य मापदण्डसहित रमजान प्रार्थना [तस्बिरहरु]

तस्बिर : इलिट जोशी

काठमाडौँ — इस्लाम धर्मावलम्बीहरुको एक महिनासम्म चल्ने चाड रमजान पर्व मनाउने क्रममा भौतिक दूरी कायम गरी प्रार्थना गरिएको छ । कोरोना संक्रमण बढ्न थालेसँगै सरकारले धार्मिक कार्यहरु गर्दा पनि स्वास्थ्य मापदण्ड पालना गर्न, गराउन निर्देशन दिएको छ । सोही कारण काठमाडौंको काश्मिरी मस्जिदमा धर्मावलम्बीहरुले शुक्रबारे प्रार्थनामा भौतिक दूरी कायम गरी प्रार्थना गरेका हुन् । एक महिनासम्म चल्ने यो पर्वमा मुस्लिम समुदायहरु दिनभर निराहार बस्छन् ।

रमजान महिनामा सबैभन्दा ठूलो ग्रन्थ कुरान अवतरण भएको हो भने यो महिनामा अल्लाहको कृतज्ञता प्राप्त हुने विश्वास छ। दान दिनु, गरिब र दीन दुःखीलाई सेवा गर्नु तथा जकात निकाल्नु यो महिनाको ठूलो विशेषता हो। रमजान व्रत बस्न साँझ चन्द्रमा हेर्न आकाशतिर दृष्यावलोकन गर्ने र चन्द्रमा हेरेर रमाउने प्रचलन छ।शरीरलाई चोखो राखेर मात्र रोजा बस्नुपर्छ। कुलतमा लागेका मानिस एक महिना इमान्दारीपूर्वक रोजा बस्न सक्यो भने चुरोट, खैनी, गुट्खा आदि पदार्थ खाने बानीमा परिवर्तन आउन सकिने अजादको भनाइ छ । त्याग, तपस्या र बलिदान सबै जोडिने यो पर्वमा मुसलमान रोजा बस्नुलाई गर्व मान्दछन्। नबालक, बिरामी, घातक रोग लागेका र गर्भवती महिलालाई रोजा बस्न अनिवार्य छैन ।


प्रकाशित : वैशाख १०, २०७८ १६:४९
प्रतिक्रिया
पठाउनुहोस्

एकै दिन २ हजार ४४९ जनामा कोरोना पुष्टि

कान्तिपुर संवाददाता

काठमाडौँ — पछिल्लो २४ घण्टामा नेपालमा २ हजार ४४९ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशका विभिन्‍न प्रयोगशालामा गरिएको ८ हजार ७९८ पीसीआर परीक्षणबाट शुक्रबार २ हजार ४४९ जना संक्रमित फेला परेको हो । त्यस्तै ८६६ एन्टिजेन परीक्षणबाट ११० जनामा संक्रमण पुष्टि भएको छ । पीसीआर र एन्टिजेन परीक्षणमा २ हजार ५९ जनामा संक्रमण पुष्टि भएको छ ।

योसँगै नेपालमा कोरोना संक्रमितको संख्या २ लाख ९४ हजार ६०१ पुगेको छ ।

त्यस्तै पछिल्लो २४ घण्टामा ४१० जना डिस्चार्ज भएका छन् । योसँगै निको हुनेको संख्या २ लाख ७६ हजार ७५५ पुगेको छ । सोही अवधिमा कोरोनाबाट १ जनाको मृत्यु भएको मन्त्रालयको तथ्यांक छ । योसँगै कोरोनाबाट ज्यान गुमाउनेको संख्या ३ हजार १२२ पुगेको छ । सक्रिय संक्रमित १४ हजार ७ सय २४ छन् भने क्वारेन्टाइनमा ७५ जना रहेका छन् ।

प्रकाशित : वैशाख १०, २०७८ १६:४१
पूरा पढ्नुहोस्
प्रतिक्रिया
पठाउनुहोस्
×