म्यान्मारका नागरिकको जीवन रक्षाका लागि बौद्धमा दीप प्रज्वलन [तस्बिरहरू]

तस्बिर : दीपक केसी

काठमाडौँ — म्यान्मारमा सैनिक सरकारको दमनविरुद्ध र त्यहाँका नागरिकहरुको जीवन रक्षाका लागि बौद्धमा बुधबार साँझ दीप प्रज्वलन गरिएको छ ।

त्यहाँको लोकतन्त्रको बहालीको मागसहित मानव अधिकार शान्ति समाजले मैनबत्ती हातमा लिएर बौद्धमा शान्तिपूर्ण प्रदर्शन गरेको थियो ।म्यान्मार सेनाले ‘कु’ मार्फत सत्ता हत्याउँदै सर्वसाधारणमाथि दिनहुँ अत्याचार र दमन गरिरहेको प्रजातन्त्रको पुनर्वहाली र नरसंहार रोक्न माग गर्दै प्रदर्शन गरिएको थियो ।

पछिल्ला दिनमा म्यान्मारमा सेनाले प्रदर्शनकारीमाथि बर्बर दमन गरिरहेको छ । फेब्रुअरी १ मा सेनाले शासन हातमा लिएपछि अहिलेसम्म ५०० भन्दा बढीको मृत्यु भइसकेको छ भने सयौं घाइते भएका छन् ।


प्रकाशित : चैत्र २५, २०७७ २०:३८
प्रतिक्रिया
पठाउनुहोस्

अलबिदा नविन्द्रराज जोशी

तस्बिर : दीपक केसी

काठमाडौँ — नेपाली कांग्रेसका केन्द्रीय सदस्य एवं पूर्वमन्त्री नविन्द्रराज जोशीको पार्थिव शरीर पार्टी केन्द्रीय कार्यालय सानेपामा श्रद्धाञ्जली दिनका लागि राखिएको छ । मस्तिष्कघात भइ एक महिनादेखि नर्भिक अस्पतालमा उपचाररत जोशीको शुक्रबार राति निधन भएको हो । नेपाल विद्यार्थी सङ्घका पूर्वमहामन्त्री, काठमाडौंका पूर्वउपप्रमुख, संविधानसभा सदस्य जोशीले नेपालको लोकतान्त्रिक आन्दोलनमा चार दशकभन्दा लामो समय अनवरत सङ्घर्ष गरेका थिए । जोशीको आजै अपराह्न पशुपति आर्यघाटमा दाहसंस्कार गरिने भएको छ ।

नेता जोशीलाई श्रद्धाञ्जली दिन पार्टी सभापति शेरबहादुर देउवा,अर्जुननरसिंह केसी,मिनेन्द्र रिजाल,प्रकाशशरण महत,गगन थापालगायतका नेताहरु सानेपा पुगेका थिए । यस्तै,अर्थमन्त्री एवं एमाले नेता विष्णु पौडेल,एमाले संसदीय दलका उपनेता सुवासचन्द्र नेम्बाङ,माओ‌वादी केन्द्रका अध्यक्ष पुष्पकमल दाहाल,एमाले नेता माधवकुमार नेपाल,एमाले नेता रघुजीपन्त लगायतका नेताहरुले जोशीलाई श्रद्धाञ्जली दिएका थिए ।

यस्तै, नेपाली कांग्रेस केन्द्रीय कार्यसमितिको बैठकले जोशीको निधनमा शोक प्रस्ताव पारित गरेको छ । शनिबार बिहान पार्टी केन्द्रीय कार्यालय सानेपमा बसेको पार्टीको केन्द्रीय कार्यसमितिको बैठकले नेविसंघका पूर्वमहामन्त्री, काठमाडौंमा पूर्वउपमेयर, संविधानसभा सदस्य तथा पूर्वमन्त्रीसमेत रहेका नेता जोशीको निधनप्रति गहिरो दु:ख व्यक्त गर्दै शोक प्रस्ताव पारित गरेको हो । नेपालको लोकतान्त्रिक आन्दोलनमा चार दशकभन्दा लामो समय अनवरत संघर्षरत नवीन्द्रराज जोशीको मर्माहत र स्तब्ध भएको कांग्रेसले जनाएको छ ।

त्यस्तै जोशीप्रति सम्मान प्रकट गर्दै चैत १५, १६ र १७ गते तीन दिनसम्म पार्टीको केन्द्रीय कार्यालय र सबै जिल्ला कार्यालयहरुमा पार्टीको झण्डा आधा झुकाउने र उक्त दिनहरुमा शोकका कार्यक्रमहरु बाहेक पार्टीका अरु औपचारिक कार्यक्रमहरु नगर्ने निर्णय गरिएको मुख्य सचिव पौडेलले जानकारी दिएका छन् । त्यस्तै चैत १७ गते मंगलबारका दिन केन्द्र तथा सबै जिल्ला कार्यालयहरु बन्द गर्ने र १३ औं दिनसम्म केन्द्रीय कार्यालय र सबै जिल्ला कार्यालयहरुमा शोक पुस्तिका राख्ने पनि कांग्रेसले निर्णय गरेको छ । जोशीको १३ औँ दिनको पुण्यतिथिमा केन्द्र र सबै जिल्लामा भौतिक दूरी कायम गर्दै शोकसभाको आयोजना गरिने पनि कांग्रेसले जनाएको छ ।


प्रकाशित : चैत्र १४, २०७७ १५:०३
पूरा पढ्नुहोस्
प्रतिक्रिया
पठाउनुहोस्
×