प्रदूषणमा ‘सरकारी मौनता’ विरुद्ध सिंहदरबारअगाडि विद्यार्थीको प्रदर्शन [तस्बिरहरू]

काठमाडौँ विश्वकै प्रदूषित सहरमध्ये एक नम्बरमा हुँदा पनि वातावरण मन्त्रालयले  सुधारका लागि कुनै दीर्घकालीन योजना नल्याएको भन्दै विद्यार्थीले आक्रोश पोखे ।

सिंहदरबारको पश्चिम गेटअगाडि प्रदर्शन गरेका उनीहरूले वातावरणीय संकटकाल घोषणा गर्न मागसमेत गरे । विद्यार्थीहरूको प्रदर्शनपछि प्रहरीले उक्त क्षेत्रमा कडाइ गर्दै बटुवाहरूमाथिसमेत खानतलासी बढाएको थियो ।  

केही दिनयता प्रदूषण ह्वात्तै बढेपछि सरकारले विद्यालय बन्द गरेको छ । प्रदूषणले श्वासप्रश्वासलगायत विभिन्न स्वास्थ्य समस्या निम्त्याउन सक्ने विज्ञले औंल्याएका छन् ।