कान्तिपुर वेबसाईट
AdvertisementAdvertisement

राष्ट्रपतिबाट वसन्त श्रवण [तस्बिरहरु]

कान्तिपुर संवाददाता

काठमाडौँ — राष्ट्रपति विद्यादेवी भण्डारीले वसन्त पञ्चमीका अवसरमा हनुमानढोका दरबार परिसरमा मंगलबार बिहान वसन्त श्रवण गरी टीका तथा प्रसाद ग्रहण गरेकी छिन् ।

उक्त अवसरमा उपराष्ट्रपति नन्दबहादुर पुन, प्रधानमन्त्री केपी शर्मा ओली, सभामुख अग्‍नि सापकोटाको समेत उपस्थिति थियो ।सो अवसरमा सबैले वसन्त श्रवण गरी टीका, माला र प्रसाद ग्रहण गरेका थिए । परापूर्वकालदेखि वसन्त पञ्चमीका दिन राष्ट्राध्यक्ष एवम् सरकार प्रमुखलगायत नेपाल सरकारका विशिष्ट व्यक्ति त्यहाँ पुगी वसन्त श्रवण गर्ने परम्परा रही आएको छ ।

तस्बिरहरू : प्रधानमन्त्रीको निजी सचिवालय


प्रकाशित : फाल्गुन ४, २०७७ १४:१५
प्रतिक्रिया
पठाउनुहोस्

भारतको मध्य प्रदेशमा बस दुर्घटना : कम्तीमा ३५ जनाको मृत्यु

कान्तिपुर संवाददाता

नयाँदिल्ली — भारतको मध्य प्रदेश राज्यको सिधी जिल्लामा मंगलबार बिहान एक यात्रुवाहक बस दुर्घटना हुँदा कम्तीमा ३५ जनाको मृत्यु भएको छ ।

भारतीय सञ्चारमाध्यमहरुका अनुसार सिधीबाट सतना गइरहेको बस मध्य प्रदेशको राजधानी भोपालबाट करिब ५ सय ६० किलोमिटर टाढा रामपुर नैकिनमा बिहान करिब साढे आठ बजे पुलबाट तल वाणसागर परियोजनाको नहरमा खसेको थियो । सडकमा साइड लगाउने क्रममा पुलबाट तल नहरमा खसेको बताइएको छ ।

बसमा ६० जना यात्रु रहेको भारतीय सञ्चारमाध्यमहरुले जनाएका छन् । मध्य प्रदेश सरकार जनसम्पर्क विभागका अनुसार हालसम्म नहरबाट ३५ जनाको शव निकालिएको छ । नहरमा खसेका सात जना यात्रुहरु भने पौडेर बाँच्न सफल सफल भएका छन् ।

अझै पनि १८ जना हराइरहेको र तिनीहरुको खोजी कार्य रहेको जारी रहेको भारतीय सञ्चारमाध्यमहरुले जनाएका छन् । दुर्घटनाको खबरसँगै राज्य सरकारले मंगलबारका लागि निर्धारित सबै महत्वपूर्ण कार्यक्रमहरु रद्द गरेको बताइएको छ ।

प्रकाशित : फाल्गुन ४, २०७७ १३:२५
पूरा पढ्नुहोस्
प्रतिक्रिया
पठाउनुहोस्
थप केही फोटोफिचरबाट
×