कान्तिपुर वेबसाईट
AdvertisementAdvertisement

बलात्कार र हत्याको विरोधमा विद्यार्थीको प्रदर्शन [तस्बिरहरु]

केशव थापा

काठमाडौँ — बैतडीमा १७ वर्षीया किशोरी भागरथी भट्टको बलात्कारपछि हत्याको विरोधमा शनिबार पनि काठमाडाैंमा प्रदर्शन गरिएको छ । पद्मकन्या क्याम्पसका विद्यार्थी बागबजारदेखि माइतीघरसम्म विरोध जुलुसमा सहभागी थिए । जुलुसमा उनीहरुले कालो पोसाक, निधारमा कालो पट्टीका साथै मुखमा पनि कालो टेप टाँसेका थिए । यसका साथै उनीहरु अनुहारमा र‌ंग समेत पोतेर प्रस्तुत भएका थिए । उनीहरुले 'महिला कहिलेसम्म दोस्रो दर्जाको नागरिक ?', 'एम आई द नेक्स्ट ?', 'कहिलेसम्म योनीमा मृत्यु बाेकेर हिँड्ने ?' लगायतका विभिन्न नारा लेखिएका प्लेकार्ड प्रस्तुत गरेका थिए ।


प्रकाशित : फाल्गुन १, २०७७ १३:२५
प्रतिक्रिया
पठाउनुहोस्

यसरी गरियो स्वयम्भू स्तूपा परिसरमा सरसफाई [तस्बिरहरु]

केशव थापा

काठमाडौँ — २५६४औं बुद्ध जयन्तीको पूर्वसन्ध्यामा स्वयम्भू र पाटनका स्थानीयहरुले स्वयम्भू स्तूपा परिसर सरसफाई र मर्मतसम्भार गरेका छन् । महिनेपिछे गर्न गाह्रो भएकोले स्वयम्भू स्तुपाको मर्मत सम्भार वर्षमा एकचोटी बुद्ध पूर्णिमाको अघिल्लो दिन गर्ने गरिन्छ ।

कोरोना महामारीका कारण गरिएको लकडाउनले गर्दा पाटनबाट १० र स्वयम्भूबाट २० गरी यो वर्ष ३० जनामात्र स्तुपा सरसफाई र मर्मत सम्भारमा संलग्‍न भएको पाटनका सञ्जय शाक्यले बताए । गौतम बुद्धको जन्म, बुद्धत्व प्राप्ति र महापरिनिर्वाण प्राप्ति पनि वैशाख शुक्ल पूर्णिमाकै दिन भएकाले यस दिनलाई बौद्ध धर्मावलम्बीले त्रिसंयोग नामले महत्वपूर्ण दिनका रुपमा लिने गर्छन् ।

नेपालको लुम्बिनीमा इसापूर्व ५६३ मा सिद्धार्थ गौतमको जन्म वैशाख शुक्ल पूर्णिमाकै दिनमा भएको थियो । राजा शुद्धोधन र रानी मायादेवीको सुपुत्रका रुपमा जन्मिएका सिद्धार्थ गौतम २९ वर्षको उमेरमा घरबार र दरबार त्यागी ज्ञानको खोजीमा लागेका थिए । हिन्दूदर्शनले बुद्धलाई विष्णु भगवानको नवौँ अवतार मान्दछ । यसैकारण वैशाख शुक्ल पूर्णिमामा हिन्दू र बौद्ध दुवै धर्मावलम्बीले बुद्धलाई पूजा गरी बुद्ध जयन्ती मनाउँछन् ।


प्रकाशित : वैशाख २४, २०७७ २०:१५
पूरा पढ्नुहोस्
प्रतिक्रिया
पठाउनुहोस्
×