मौसम खुलेपछि घ्याम्पे डाँडाबाट यस्तो देखियो हिमश्रृंखला [तस्बिरहरु]

तस्बिर : अंगद ढकाल

काठमाडौँ — सोमबार उपत्यकाको मौसम केही खुलेपछि भक्तपुरको घ्याम्पे डाँडाबाट देखिएको आसपासको हिम श्रृंखलाहरु । पश्चिम न्यूनचापीय प्रणालीको प्रभावका कारण देशका उच्च पहाडी र हिमाली भागमा शनिबार हिमपातसहित वर्षा भएको थियो । सामान्यतया काठमाडौं उपत्यकाबाट हिमालचुली, लाङटाङ, दोर्जेलाक्पा, गणेश, गौरिशंकर लगायतका हिमालहरु देखिने गरेका छन् ।

काठमाडौं उपत्यका वरपरका शिवपुरी, चन्द्रागिरि, फूलचोकीसहित नगरकोट क्षेत्रमा शनिबार हिउँ परेको थियो । जल तथा मौसम पुर्वानुमान महाशाखाले सोमबारदेखि मौसममा सुधार आउने अनुमान गरेको थियो । सहरीक्षेत्रमा हल्का तुँवालो भएपनि पनि सोमबार बिहान उपत्यकाको डाँडाहरुबाट हिमालहरु छर्लङ्गै देखिएको छ ।


प्रकाशित : माघ २६, २०७७ १५:५६
प्रतिक्रिया
पठाउनुहोस्

स्वदेशी तयारी पोसाकको ब्रान्डिङ खोज्दै व्यवसायी

कान्तिपुर संवाददाता

काठमाडौं — नेपालमा उत्पादित तयारी पोसाकको ब्रान्डिङ आवश्यक भएको उद्योगी व्यवसायीले बताएका छन्  । नेपाल तयारी पोसाक उत्पादक संघले शनिबार आयोजना गरेको कार्यक्रममा उनीहरूले नेपालमा तयारी पोसाकको उत्पादन राम्रो रहेकाले त्यसको प्रचारप्रसार पनि आवश्यक रहेको धारणा राखे  ।

‘नेपालमा उत्पादित कपडाको ब्रान्डिङ गर्नुस्, त्यसपछि स्थापित भइहाल्छ,’ उद्यमी तथा बैंकर्स पवन गोल्यानले भने, ‘विदेशी लोगो टाँसेर आफ्नो उत्पादनको अवमूल्यन नगर्नुस् ।’

हाम्रो पहिचान भनेको आफूले गरेको उत्पादन नै हो । यसले नै हामीलाई इज्जत दिने भएकाले अब पहिचान स्थापित गर्न लाग्नुपर्ने उनले बताए । धागोदेखि गार्मेन्टसम्मको उत्पादन नेपालमै गर्न सकिने भएकाले यस क्षेत्रमा युवा व्यवसायीको आकर्षण बढेको उनको दाबी छ ।

प्रकाशित : माघ २६, २०७७ १५:३४
पूरा पढ्नुहोस्
प्रतिक्रिया
पठाउनुहोस्
×