कान्तिपुर वेबसाईट
AdvertisementAdvertisement

प्रतिनिधिसभा विघटनविरुद्ध ‘अहिंसात्मक नागरिक प्रदर्शन’ [तस्बिरहरु]

शब्द/तस्बिर : केशव थापा

काठमाडौँ — प्रतिनिधिसभा विघटनको विरोधमा डा. गोविन्द केसी, नारायण वाग्लेको अगुवाइमा राजधानीको माइतीघरमा अहिंसात्मक नागरिक प्रदर्शन भएको छ । प्रदर्शनकारीहरुको र्‍याली माइतीघर हुँदै बानेश्वरमा पुगेर कोणसभामा परिणत भएको थियो । प्रदर्शनमा सहभागीहरुले ‘प्रतिनिधिसभा मार्न पाइँदैन, निरंकुश सरकार चाहिँदैन, नागरिक अघि बढ्दै छ, सर्वसत्तावाद ढल्दैछ’ लगायत नारा लेखिएका प्लेकार्ड बोकेका थिए । प्रधानमन्त्री केपी शर्मा ओलीले गत पुस ५ गते प्रतिनिधिसभा भंग गरेपछि सडकमा दिनहुँ प्रदर्शन भइरहेका छन् ।

नागरिक प्रदर्शनलाई सरकारले बारम्बार अवरोध र धरपकड जारी राखे पनि अभियन्ताहरु मौलिक शैलीका आन्दोलनमा सक्रिय छन् । संवैधानिक निकायमा सरकारले एकलौटी हिसाबले गरेको नियुक्तिको खारेजीको माग पनि उनीहरुले राखेका थिए।


प्रकाशित : माघ १७, २०७७ १४:४०
प्रतिक्रिया
पठाउनुहोस्

मखमली मौसम [फोटोफिचर]

शब्द/तस्बिर : केशव थापा

भक्तपुर — भक्तपुरको गुण्डुमा तिहारका लागि मखमली फूल टिप्न र माला उन्न स्थानीय महिलाहरुलाई यतिबेला भ्याइनभ्याइ छ । काठमाडौं, ललितपुर र स्थानीय व्यापारीहरु मखमली फूलको माला हेर्दै मोलमोलाइ गर्न ब्यस्त देखिन्थे । गुन्डुमा वर्षेनी मखमली फूलको खेती गरिँदै आएको छ ।

मखमली फूललाई तिहारको विशेष प्रतीकका रुपमा लिइन्छ । २० वर्षदेखि ब्यावसायिक रुपमा मखमली फूलको खेती गर्दै आएकी कमला बस्नेत राम्रो दाम आएको समयमा एक रोपनी जग्गाबाट वार्षिक करिब १ लाखसम्म आम्दानी गर्न सकिने बताउँछिन् ।


प्रकाशित : कार्तिक १८, २०७७ १८:५३
पूरा पढ्नुहोस्
प्रतिक्रिया
पठाउनुहोस्
×