कान्तिपुर वेबसाईट
AdvertisementAdvertisement

प्रतिनिधिसभा विघटनविरुद्ध अनेरास्ववियूको लाल्टिन जुलुस

'दिउँसै लाल्टिन बाल्दा पनि भेटिएन है ! संविधानमा संसद् विघटनको धारा खै ?'
तस्बिर : हेमन्त श्रेष्ठ

काठमाडौँ — पुष्पकमल दाहाल र माधवकुमार नेपाल नेतृत्वको नेकपाको भ्रातृ संगठन अनेरास्ववियूले प्रतिनिधिसभा विघटनको विरुद्धमा दोस्रो चरणको आन्दोलनका कार्यक्रम सुरु गरेको छ ।

पुस २१ गतेदेखि दोस्रो चरणको आन्दोलनका कार्यक्रम सुरु गरेको अनेरास्ववियूले बुधबार उपत्यकामा लाल्टिन जुलुस निकालेको छ । उपत्यकाबाहिर भने बुधबार सिट्ठी जुलुस आयोजना गरिएको अनेरास्ववियूका सह-संयोजक रञ्जित तामाङले बताए ।

बुधबारको लाल्टिन जुलुसमा 'दिउँसै लाल्टिन बाल्दा पनि भेटिएन है ! संविधानमा संसद् विघटनको धारा खै ?' लेखिएको ब्यानर प्रदर्शन गरिएको थियो ।


प्रकाशित : पुस २२, २०७७ १३:२६
प्रतिक्रिया
पठाउनुहोस्

धरानबाट खैरो हेरोइनसहित दुई जना पक्राउ

प्रदीप मेन्याङ्बो

धरान — सुनसरीको धरानबाट प्रहरीले खैरो हेरोइनसहित दुई जना व्यक्ति पक्राउ गरेको छ ।

इलाका प्रहरी कार्यालय धरानबाट खटिएको टोलीले धरान १३ बस्ने २४ वर्षीय सचिन प्रधान र मोरङको केराबारी गाउपालिका ५ बस्ने २४ वर्षीय सन्दीप राईलाई मंगलबार पक्राउ गरी बुधबार सार्वजनिक गरेको हो ।

इलाका प्रहरी कार्यालय, धरानका डीएसपी ज्ञानेन्द्र बस्नेतका अनुसार शंकास्पद अवस्थामा प्रधानलाई फेला परेपछि शरीर खानतलासी गर्दा पाइन्टको गोजीभित्र लुकाएको अवस्थामा १ ग्राम खैरो हेरोइन फेला परेको थियो । प्रहरीले थप सोधपुछ गर्दा प्रधानले केराबारी बस्ने सन्दीपबाट खरिद गरेको बयान दिएका थिए ।

तत्कालै सन्दीपको खोजी गर्दा धरान वडा नम्बर–६, पानबारीमा खैरो हेरोइन खरिद गर्ने ग्राहक पर्खेर बसेको बेला पक्राउ परेको डीएसी बस्नेतले बताए । सन्दीपको शरीर खानतलासी गर्दा ७ सय मिलिग्राम खैरो हेरोइन फेला परेको बस्नेतले बताए । पक्राउ परेका दुवैलाई सुनसरी जिल्ला अदालतबाट लागूऔषध मुद्दामा म्याद थप गरी अनुसन्धान भइरहेको उनले जानकारी दिए ।

प्रकाशित : पुस २२, २०७७ १३:०२
पूरा पढ्नुहोस्
प्रतिक्रिया
पठाउनुहोस्
×