कान्तिपुर वेबसाईट
AdvertisementAdvertisement

१ सय १६ जना यात्रु लिएर चीन उड्दै हिमालयको विमान [तस्बिरहरु]

तस्बिर : हेमन्त श्रेष्ठ, तस्बिर : अंगद ढकाल

काठमाडौँ — मंगलबारदेखि अन्तर्राष्ट्रिय व्यवसायिक उडान सुचारु भएको छ । बुधबार हिमालय एयरलाइन्सको विमानले १ सय १६ जना यात्रुहरुलाई लिएर दिउँसो साढे ४ बजे चीनतर्फ प्रस्थान गर्दैछ । अधिकांश यात्रुहरु फेस शिल्ड, मास्क तथा पीपीई लगाएर त्रिभुवन विमानस्थल पुगेका थिए ।

कोरोना संक्रमण फैलिन नदिन भन्दै सरकारले २०७६ चैत ९ गतेदेखि व्यवसायिक अन्तर्राष्ट्रिय उडान रोकेको थियो । त्रिभुवन अन्तर्राष्ट्रिय विमानस्थलका महाप्रबन्धक देवेन्द्र केसीका अनुसार मंगलबारको पहिलो दिन उडानमा नेपाल वायुसेवा निगमको वाइडबडी विमान राति जापानको नारिता उडेको थियो ।


प्रकाशित : भाद्र १७, २०७७ १४:४०
प्रतिक्रिया
पठाउनुहोस्

२० तस्बिरमा हेर्नुहोस् निषेधाज्ञापछिको काठमाडौं उपत्यका

तस्बिर : हेमन्त श्रेष्ठ, तस्बिर : अंगद ढकाल

काठमाडौँ — कोरोना संक्रमण भयावह हुने देखिएपछि उपत्यकाका तीनै जिल्लामा बुधबार मध्यरातिदेखि भदौ १० गतेसम्म निषेधाज्ञा जारी गरिएको छ ।

काठमाडौं, ललितपुर र भक्तपुरको संयुक्त जिल्ला सुरक्षा समिति बैठकले दैनिक उपभोग्य वस्तुको ढुवानी/बिक्री, स्वास्थ्य सेवा, एम्बुलेन्स, मृत्युसंस्कार, सुरक्षा निकायलगायत अत्यावश्यकबाहेकका सबै क्षेत्र एक साता बन्द गर्ने निर्णय मंगलबार गरेको हो ।

निषेधाज्ञापछि काठमाडौं उपत्यकामा बिहीबार अत्यावश्यक सेवाबाहेकका सवारी चलेका छैनन् । निषेधाज्ञा अवधिभर औषधि, खाद्यवस्तु तथा अन्य अत्यावश्यक उपभोग्य वस्तु/सेवा खरिदको काममा बाहेक कोही पनि व्यक्ति घरबाट बाहिर निस्कन पाउने छैनन् ।

बिहीबार बिनाकाम सडकमा निस्कनेलाई एक घण्टा नियन्त्रणमा राखेर घर पठाइएको छ । पहिलो दिन भएकाले चेतावनीस्वरुप एक घण्टा नियन्त्रणमा लिइएको प्रहरीले बताएको छ । निषेधाज्ञा उल्लंघन गर्नेलाई १ महिना कैद वा ५ सय रुपैयाँ जरिवाना वा दुवै सजाय गर्न सकिने व्यवस्था छ ।


प्रकाशित : भाद्र ४, २०७७ १०:४२
पूरा पढ्नुहोस्
प्रतिक्रिया
पठाउनुहोस्
×