कान्तिपुर वेबसाईट
AdvertisementAdvertisement

२० तस्बिरमा हेर्नुहोस् निषेधाज्ञापछिको काठमाडौं उपत्यका

तस्बिर : हेमन्त श्रेष्ठ, तस्बिर : अंगद ढकाल

काठमाडौँ — कोरोना संक्रमण भयावह हुने देखिएपछि उपत्यकाका तीनै जिल्लामा बुधबार मध्यरातिदेखि भदौ १० गतेसम्म निषेधाज्ञा जारी गरिएको छ ।

काठमाडौं, ललितपुर र भक्तपुरको संयुक्त जिल्ला सुरक्षा समिति बैठकले दैनिक उपभोग्य वस्तुको ढुवानी/बिक्री, स्वास्थ्य सेवा, एम्बुलेन्स, मृत्युसंस्कार, सुरक्षा निकायलगायत अत्यावश्यकबाहेकका सबै क्षेत्र एक साता बन्द गर्ने निर्णय मंगलबार गरेको हो ।

निषेधाज्ञापछि काठमाडौं उपत्यकामा बिहीबार अत्यावश्यक सेवाबाहेकका सवारी चलेका छैनन् । निषेधाज्ञा अवधिभर औषधि, खाद्यवस्तु तथा अन्य अत्यावश्यक उपभोग्य वस्तु/सेवा खरिदको काममा बाहेक कोही पनि व्यक्ति घरबाट बाहिर निस्कन पाउने छैनन् ।

बिहीबार बिनाकाम सडकमा निस्कनेलाई एक घण्टा नियन्त्रणमा राखेर घर पठाइएको छ । पहिलो दिन भएकाले चेतावनीस्वरुप एक घण्टा नियन्त्रणमा लिइएको प्रहरीले बताएको छ । निषेधाज्ञा उल्लंघन गर्नेलाई १ महिना कैद वा ५ सय रुपैयाँ जरिवाना वा दुवै सजाय गर्न सकिने व्यवस्था छ ।


प्रकाशित : भाद्र ४, २०७७ १०:४२
प्रतिक्रिया
पठाउनुहोस्

कुशे औंसी : गोकर्णेश्‍वरमा यस पटक भीड छैन [तस्बिरहरु]

तस्बिर : हेमन्त श्रेष्ठ, तस्बिर : अंगद ढकाल

काठमाडौँ — काठमाडौं गोकर्णेश्वरस्थित महादेवको मन्दिर परिसरमा कुशे औंशीको दिन पितृ तर्पण गर्न भक्तजनहरुको उपस्थिति कम देखिएको छ । बुबाको मुख हेर्ने दिन अरु बेला भीडभाड हुने गोकर्णेश्वर मन्दिर परिसर सुनसान छ ।

बुबा नहुनेहरु आजको दिन गोकर्णेश्वर महादेवको मन्दिरमा जम्मा भएर पिण्ड दिने चलन रहेकोमा यस वर्ष कोरोना संक्रमणका जोखिमका कारण प्रशासनले मन्दिर बन्द गरेको साथै परिसरमा समेत पूजाआजामा रोक लगाएको छ । भक्तजनहरुले मास्क लगाएर मन्दिर परिसर भन्दा टाढै रहेर पूजा गरेका थिए ।


प्रकाशित : भाद्र ३, २०७७ १०:०७
पूरा पढ्नुहोस्
प्रतिक्रिया
पठाउनुहोस्
×