तस्बिरमा कीर्तिपुर र वसन्तपुरको गाईजात्रा

श्रावण २०, २०७७तस्बिर : बिजु महर्जन, तस्बिर : इलिट जोशी

काठमाडौँ — भाद्र कृष्ण प्रतिपदादेखि अष्टमीसम्म आठ दिन मनाइने परम्परागत सांस्कृतिक पर्व गाईजात्रा उपत्यकाका विभिन्न स्थानमा मनाइँदैछ ।

गाईजात्रामा एक वर्षभित्र दिवंगत आफन्तको सम्झनामा गाई वा मानिसलाई गाईका रूपमा सिंगारी आ-आफ्नो इलाकामा परिक्रमा गराइने र उनीहरूलाई श्रद्धालुद्वारा दूध, फलफूल, रोटी, चिउरा, दहीका साथै अन्न र द्रव्य दान गर्ने परम्परा छ । नगर परिक्रमा गर्नाले वर्षभरि मृत्यु भएका व्यक्ति गाईको पुच्छर समाई वैतरणी पार हुन्छन् भन्ने धार्मिक विश्वास छ ।

कोरोना महामारीका कारण यसपटक कीर्तिपुरको पाँगामा मनाइने धुसीमा सापरु अर्थात गाइजात्रामा त्यति रौनक देखिएन । गाईजात्रामा सहभागीहरु पनि मास्क र स्यानिटाइजर लगाएर उपस्थित भएका थिए ।