भक्तपुरको नागपोखरीमा यसरी गरियो नागपूजा [तस्बिरहरु]

आजको दिन घरका ढोकामा नागको चित्र टाँसी पूजा गर्नाले चट्याङ र आगलागीका साथै सर्प, बिच्छीलगायत विषयुक्त जीवबाट रक्षा गर्ने शास्त्रीय मान्यता रहेको नेपाल पञ्चाङ्ग निर्णायक समितिले जनाएको छ ।

आज अनन्त, वासुकी, पद्म, महापद्म, तक्षक, कुलीर, कर्कट र शङ्ख गरी आठ नागको पूजा गरी दुबो, गाईको दूध, अक्षता आदि चढाइएका घरमा अगस्त्य, पुलस्त्य, वैशम्पायन, सुमन्तु र जैमिनी ऋषिले अग्निभय र विषयुक्त जीवको भयबाट बचाउने जनविश्वार रहँदै आएको छ ।

आजका दिन विभिन्नु ठाउँमा रहेका नागपोखरीमा पनि पूजाआजा भइरहेको छ । यस पटक कोरोना महामारीका कारण काठमाडौंको नक्सालस्थित नागपोखरीमा भने पूजा गरिएको छैन ।