'फेसशिल्ड' लगाएर निःशुल्क योग

तस्बिर : अनिस रेग्मी

काठमाडौँ — ललितपुरको जावलाखेलस्थित तिब्बती शरणार्थी क्याम्पका शरणार्थीहरुलाई मे १७ देखि निःशुल्क योग सेवा दिन थालिएको छ । नोर्बूलिंका स्पोर्टस क्लबले हरेक दिन सवेरै ५० देखि ७० जना शरणार्थीहरुलाई निःशुल्क रुपमा योग अभ्यास गरिरहेको छ । क्लबले योगका लागि आउनेहरुलाई निःशुल्क रुपमा मास्क र फेस शिल्ड पनि उपलब्ध गराएको छ । क्लबले आफ्नै पहलमा मास्क र फेस शिल्ड निर्माण गरेर वितरण गरिरहेको क्लबका सञ्चालक समिति सदस्य पेम्बा शेर्पाले बाए ।

क्लबले योग अभ्यास गर्न आउनेहरुलाई उमेर अनुसार दुईवटा समूहमा विभाजन गरेको छ । ६० वर्षभन्दा कम उमेरकालाई एउटा समूह र माथिका लाई अर्को समूहमा विभाजन गरेर योग सिकाइने गरिएको छ । ६० भन्दा माथिकालाई दैनिक ३० मिनेटसम्म योग सिकाइन्छ ।


प्रकाशित : असार १७, २०७७ १५:१२
प्रतिक्रिया
पठाउनुहोस्

रुपन्देहीको झुन्ड टुक्रिएर प्यूठान पुग्यो सलह,मकै बालीमा क्षति 

गिरुप्रसाद भण्डारी

प्यूठान — सोमबार साँझ रुपन्देहीमा हुँदै नेपाल प्रवेश गरेको सलहको झुन्ड टुक्रिँदै बुधबार प्युठान पुगेको छ । भैरहवाबाट टुक्रिएर झुन्ड दाङ र अर्घाखाँची हुँदै बुधबार प्युठानभर फैलिएको छ ।

प्यूठानको सरुमारानी गाउँपालिका ३ हंसपुरमा सलहले मकैबालीमा गरेको नोक्सानी । तस्बिर सौजन्यः भिम मर्साङगी मगर 

प्रधानमन्त्री कृषि आधुनिकीकरण परियोजना प्यूठानका निमित्त प्रमुख सुमन खनालले जिल्लाको पूर्वी र पश्चिमी क्षेत्रबाट मंलबार भित्रिएको सलह बुधबार जिल्लाका धेरै स्थानहरुमा फैलिएको बताए ।

जिल्लाको मल्लरानी, ऐरावती सरुमारानी,झिमरुक,गौंमुखी,नौंबहिनी गाउँपालिका र प्यूठान नगरपालिकामा फैलिएको छ । मंगलबार दिउँसो मल्लरानीमा प्रवेश गरेको झुन्ड सबै भन्दा ठूलो झुन्ड रहेको खनालले बताए । सलह प्यूठानमै बास बसेर बुधबार बिहानैबाट किसानहरुले लगाएको मकैबालीमा क्षति पुर्‍याउन थालेको खनालले जानकारी दिए ।

बुधबार बिहानैबाट सलहको झुन्डले मकै बालीमा नोक्सानी गर्न थालेको गौंमुखी गाउँपालिकाका अध्यक्ष विष्णुकुमार गिरीले जानकारी दिए । सलह मकैबालीमा पुगेपछि किसानहरुले झ्याली, बाजा,थाल, टिन ठटाएर भगाउने प्रयास थालेको गिरीले बताए । स्थानीयले बारीमा आगो बालेर धुँवा निकालेर भगाउने प्रयास गर्दा समेत सलहले नोक्सानी गर्न छाडेको छैन ।

मल्लरानी ३,प्यूठान नगरपालिका ९ र १०, झिमरुक १, ३, ४, सरुमारानी ३, गौंमुखी ३ नम्बर वडामा लाखौंको संख्यामा रहेको सलहले मकैबालीमा क्षति पुर्‍याएको प्रमुख जिल्ला अधिकारी कृष्णप्रसाद पन्थले बताए । नोक्सानीको विवरण लिने कार्य भइरहेको जिल्ला प्रशासन कार्यालय प्यूठानले जनाएको छ । सलह नियन्त्रणका लागि स्थानीय तहहरुसँग समन्वय भइरहेको प्रजिअ पन्थले बताए ।

प्रकाशित : असार १७, २०७७ १५:०८
पूरा पढ्नुहोस्
प्रतिक्रिया
पठाउनुहोस्
×