कान्तिपुर वेबसाईट
AdvertisementAdvertisement

हिलो खेलेर धान दिवसमा रमाइलो [फोटो फिचर]

तस्बिर : हेमन्त श्रेष्ठ

काठमाडौँ — आज असार १५, विविध कार्यक्रम गरी देशैभर धान दिवस मनाइँदैछ । असार १५ किसानहरुका लागि विशेष दिन हो । आजको दिन किसानहरु खेतमा रोपाइँका साथै दहीच्युरा खाएर धान दिवस मनाउने गर्छन् ।

खेतमा रोपाइँका साथै एकापसमा हिलो छ्यापेर पनि किसानले रमाइलो गर्छन् । यसपालि कोरोना भाइरसको संक्रमणका कारण धेरै औपचारिक कार्यक्रम आयोजना गरिएको छैन । तर पनि किसानहरुले एकापसमा सामान्य रुपमा हिलो खेलेर रमाइलो भने गरेका छन् ।

यसै क्रममा काठमाडौंको टोखा नगरपालिका वडा नम्बर २ मा पनि सोमबार किसानहरुले रोपाइँ गरेका छन् ।


प्रकाशित : असार १५, २०७७ १४:०९
प्रतिक्रिया
पठाउनुहोस्

भक्तपुरमा ढुंगा प्रहार गरी हत्या

कान्तिपुर संवाददाता

भक्तपुर — भक्तपुर नगरपालिका–४ ग:हिटीस्थित ढुंगा प्रहार गरी एक जनाको हत्या भएको छ । प्रहरीका अनुसार सोमबार बिहान ग:हिटीस्थित सार्वजनिक पाटीमा अन्दाजी ४५ वर्षीय जडीबुटि उपनामले चिनिने कृष्ण तामाङ मृत अवस्थामा फेला परेका हुन् ।

प्रहरीको प्रारम्भिक अनुसन्धानमा सामान्य आपसी विवादमा सिन्धुली तीनपाटन गाउँपालिका घर भइ ग:हिटी बस्ने ३० वर्षीय इन्द्रबहादुर तामाङले ढुंगा प्रहार गरी हत्या गरेको खुलेको छ ।

हत्याको आरोपमा इन्द्रबहादुरलाई प्रहरी नियन्त्रणमा लिइ आवश्यक कारबाही थालेको भक्तपुर प्रहरी प्रवक्ता डीएसपी दिपक गिरीले बताए । इन्द्रबहादुर ग:हिटीमा ज्याला मजदुरी गर्दै आएका थिए ।

मृतक तामाङको टाउको, निधार र चिउडोमा चोट छ । मृतकको शव पोस्टमार्टमका लागि केएमसी अस्पताल दुवाकोटमा पठाइएको डीएसपी गिरीले बताए ।

प्रकाशित : असार १५, २०७७ १३:५९
पूरा पढ्नुहोस्
प्रतिक्रिया
पठाउनुहोस्
×