उपत्यकामा सवारी चाप बढ्यो [तस्बिरहरू]

तस्बिर : हेमन्त श्रेष्ठ, तस्बिर : इलिट जोशी

काठमाडौँ — आज लकडाउनको ७२औं दिन  । सरकारले गत चैत ११ गतेदेखि लकडाउन जारी गरेको छ । शनिबार बसेको मन्त्रिपरिषद्को बैठकले जेठ ३२ गते सम्मका लागि लम्ब्याउने निर्णय गरेको छ ।कोरोना रोकथाम तथा नियन्त्रणका लागि लकडाउन जारी भए पनि उपत्यकाका मुख्य सडकहरुमा सवारी साधनको चाप बढ्दै गएको छ ।

लामो समय सम्म लकडाउन हुँदा जनजीवन प्रभावित भएको र मानिसहरु काममा निस्किन थालेपछि उपत्यकाका मुख्य सडकमा सवारीसाधनको चाप बढेको हो । बुधबार उपत्यकाका विभिन्न ठाउँमा पुग्दा सवारीसाधनको आवागमन बढेको पाइएको छ । जडिबुटी, बबरमहल तथा सुन्धारा क्षेत्र केही बेर सवारी जामसमेत भएको थियो ।

प्रहरीले जाँचलाई केही खुकुलो बनाएको छ । अत्यावश्यक सेवाका सवारी साधन र पास लिएका बाहेकलाई पनि सोधपुछ गरी पठाउने गरेको छ ।


प्रकाशित : जेष्ठ २१, २०७७ ११:३४
प्रतिक्रिया
पठाउनुहोस्

सगुनको दोस्रो सेयर निष्कासन

कान्तिपुर संवाददाता

काठमाडौँ — ई–कमर्स स्टार्टअप कम्पनी सुगनले विश्वभरबाट लगानी जुटाउन अर्को चरणको सेयर निष्कासन गरेको छ । अमेरिकी सेयर बजार नियामक धितोपत्र विनिमय आयोग (एसईसी) ले केही समयअघि सगुनको विवरणपत्रलाई बिक्रीयोग्य तोकेको थियो ।

सगुनले यस चरणमा ‘ग’ श्रेणीको साधारण सेयर प्रतिकित्ता ३० डलरका दरले ३ लाख कित्ता सर्वसाधारणलाई बिक्री गर्ने जनाएको छ । कम्पनीको सेयरमा विश्वभर रहेका सर्वसाधारणले कम्तीमा ३० कित्ता सेयर १९ सय डलरमा खरिद गर्न सक्छन् । कम्पनीले उक्त सेयर सीमित समयका लागि पहिले आवेदन गर्नेले किन्न पाउने गरी निष्कासन गरेको जनाएको छ ।

प्रकाशित : जेष्ठ २१, २०७७ ११:३३
पूरा पढ्नुहोस्
प्रतिक्रिया
पठाउनुहोस्
×