कान्तिपुर वेबसाईट
AdvertisementAdvertisement

बिक्री नभएपछि यसरी फ्याँकियो फूल [तस्बिरहरु]

तस्बिर : बिजु महर्जन

काठमाडौँ — कोभिड-१९को जोखिम न्यूनीकरण तथा रोकथामका लागि भन्दै लकडाउन भएको एक महिना भएको छ । लकडाउनका कारणले व्यापार व्यवसाय ठप्प छन् । राजधानीको रामकोटस्थित नागर्जुन नगरपालिका-३ का पुष्प व्यवसायीहरु अहिले पीडामा छन् । फूलको व्यापार ठप्पै भएपछि फुलेका सबै फूलहरु फयाँक्न उनीहरु बाध्य छन् ।

पुष्प व्यवसायी उद्धवराज गिरी र हरि शरण गिरी यतिबेला चिन्तित छन् । वैशाख महिना सबैभन्दा बढी फूल बिक्री हुने सिजन हो । विवाहको लगन प्रशस्त हुने र जाडोका कारण कक्रिएका फूलहरु फक्रेर उत्पादन समेत प्रशस्त हुने भएपछि वर्षभरी हुने बिक्रीको २० प्रतिशत व्यापार यही समयमा हुन्थ्यो ।

उद्धवराजले भने,' २०७७ सालमा अरु महिनामा राम्रो व्यापारको सम्भावना छैन । अहिलेको अवस्था हेर्ने हो भने असारसम्म पनि विवाहलगायतका शुभकार्य र ठूला पूजापाठ हुने सम्भावना छैन । साउन र भदौमा त्यस्तो शुभकार्य हुँदैन । यो वर्ष असोजमा ‘मलमास’ छ, त्यसैले त्यो महिनामा पनि शुभकार्य हुँदैन । ' ‘भूकम्पको बेलामा केही असर गरेको थियो, तर त्यो १८–२० दिनको लागि मात्रै थियो । यो वर्ष चौपटै भयो । सरकारले सहुलियत नदिने हो भने यो घाटा उठाउन कम्तिमा पनि २ वर्ष लाग्छ,’ हरिशरणले भने ।

फूलको बिक्री नभएपछि कामदारलाई पनि पूरा तलब दिन नसकिएको उनीहरुको भनाइ छ ।


प्रकाशित : वैशाख १२, २०७७ १७:५३
प्रतिक्रिया
पठाउनुहोस्

बनेपामा यसरी बनाइदैछ फेस मास्क [तस्बिरहरु]

तस्बिर : बिजु महर्जन

काठमाडौँ — बनेपास्थित क्रिएटिभ सिलाई तालिम केन्द्रमा ६ जना महिलाहरु मास्क बनाउँदै आएका छन्  । उनीहरु मेसिनबाट मास्क सिलाइ रहेका छन् । कटनको कपडा र ब्यान्डिङ प्लास्टिकको सहयोगमा मास्क तयार पारिएको छ ।

मास्कको मूल्य ज्यालासहित जोड्दा ८५ रुपैयाँ पर्न आउँछ । उनीहरुले दुई दिनमा दुई सय पिस मास्क तयार पारेका छन् ।

कन्द्रमा कार्यरत शारदा नेपालीका अनुसार मास्कलाई आवश्यक पर्ने सबै कपडाहरु काटेर राखिएको र तिनैलाई जोडेर सिलाउने गरिन्छ । यहाँबाट उत्पादन हुने मास्क अस्पताल र क्वारेन्टाइनहरुले लैजाने गरेका छन् ।

सामान्य मास्कभन्दा यो केही फरक छ । यसले मुखसँगै अनुहारलाई पनि सुरक्षित बनाउँछ । सर्जिकल तथा धुन मिल्ने मास्क लगाएपछि यो मास्क लगाउँदा झनै सजिलो हुन्छ । यो मास्क पुनः प्रयोग गर्न सकिन्छ । मास्कसँगै टोपीले कान र टाउकोलाई सुरक्षित बनाउँछ भने मास्कले अनुहारका सबै भागलाई सुरक्षित राख्नेछ ।

प्रकाशित : वैशाख ७, २०७७ १७:४२
पूरा पढ्नुहोस्
प्रतिक्रिया
पठाउनुहोस्
×