कोरोनाले खल्लो चैती छठ [तस्बिरहरु]

तस्बिर : प्रकाशचन्द्र तिमिल्सेना

काठमाडौँ — चैती छठको रौनक गत शनिबारदेखि सुरु भएको पनि यसवर्ष पोहोरपरारको जस्तो रमाइलो भएन । कोरोना भाइरसको संक्रमणको जोखिम न्यूनीकरणका लागि सरकारले गरेको लकडाउनका कारण यस वर्षको चैती छठको पूजा धेरैले घरभित्रै बसेर गरे ।

वीरगन्ज, जनकपुर, राजविराजमा गत वर्षहरुका धुमधामसँग चैती छठ मनाइने गरे पनि लकडाउनका कारण यस वर्ष भने घरभित्रै व्रत बस्ने पूजाआजा गरी मनाइएको छ । काठमाडौंको गौरीघाटमा भने मंगलबार चैती छठको पूजाआजाका लागि केही व्रतालु जम्मा भएका थिए । गत शनिबार नहाय-खायसँगै सुरु भएको यो पर्वको दोस्रो दिन आइतबार षडना थियो भने मंगलबार बिहान उदाउँदो सूर्यलाई अर्घ्य दिएर सम्पन्न भएको छ ।

प्रकाशित : चैत्र १८, २०७६ १४:५७
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

गाउँ भरिदै, जोखिम बढ्दै

ठाकुरसिंह थारु

बर्दिया — कोरोना भाइरस (कोभिड १९) को महामारी फैलिदै गएपछि भारतबाट घर फर्किएका ५० बढी युवाहरुलाई बारबर्दिया नगरपालिकाले उद्धार गरी घर पठाएको छ । विभिन्न नाकाबाट आएका उनीहरुलाई सोमबार ट्रकमा राखेर गाउँ ल्याइएको हो । 

नेपालका विभिन्न सहरमा मजदुरी गर्दै आएका दुई दर्जन युवाहरु मंगलबार बिहान सिमलघारी नाका हुँदै बढैयाताल गाउँपालिका प्रवेश गरेका छन् । पोखरा, काठमाडौंलगायतका सहरमा मजदुरी गर्ने उनीहरु कोरोनाको प्रकोपपछि घर फर्किएका हुन् ।

उनीहरुलाई सार्वजनिक बसमा राखेर पठाइएको हो । कोरानाको महामारीपछि सीमा बन्द गरिएको छ । तर भारतबाट अझै पनि नेपालीहरु फर्किरहेका छन् ।

उनीहरु सीमामा अलपत्र पर्न थालेपछि उद्धार गरी घर पठाउने गरिएको हो । भारतमा कोरोनाको महामारी फैलिदै गएपछि सयौं युवाहरु घर फर्किएका छन् । युवाहरु घर फर्किएसंगै कोरोनाको जोखिम बढ्दै गएको छ ।

प्रकाशित : चैत्र १८, २०७६ १४:३९
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×